VERA FILES FACT CHECK: Duterte mali sa pahayag na hindi siya kailanman tumatanggap ng mga parangal

Basahin sa Ingles

Hindi totoo ang sinabi ni Pangulong Rodrigo Duterte na siya ay hindi tumatanggap ng mga parangal.

PAHAYAG

Sa isang talumpati Nob. 27, sa inagurasyon ng Bohol-Panglao International Airport, sinabi ni Duterte:

"Kaya ako hindi ako tumatanggap ng award. Hindi ako kailanman tumatanggap ng mga parangal/award. Alam ninyo kung bakit? Sapagkat sinasabi ko sa kanila na alam mo, binayaran mo ako para sa aking mga serbisyo. Bakit kailangan mo akong gantimpalaan? Para saan? Ang tanging award/parangal na tinanggap ko sa aking buhay, yung award sa eskwelahan ko.

Pinagmulan: PCOO, Talumpati sa inauguration ng Bohol-Panglao International Airport, Nob. 27, 2018, panoorin mula 19: 37-20: 05

ANG KATOTOHANAN

Tinanggap ng presidente ang Man of the Year 2016 mula sa Manila Times noong Peb. 10, 2017, na sinasabi sa kanyang talumpati na ito ay isang eksepsiyon sa kanyang "personal at opisyal na polisiya na hindi tumanggap ng mga parangal sa lahat ng mga taong ito:"

"Hindi ako tumatanggap ng mga parangal maliban sa isang ito ... Ginawa ko itong personal at opisyal na polisiya na huwag tumanggap ng mga parangal sa lahat ng mga taong ito."

Pinagmulan: RTVM, Speech ni President Rodrigo Duterte sa Manila Times 5th Business Forum, Peb. 11, 2017, panoorin mula 9: 13-9: 52.

Pagkalipas ng ilang mga araw, noong Peb. 23, ipinagkalooban siya ng Knight Grand Cross of Rizal Rank, ang pinakamataas na pagkilala na ibinibigay sa isang indibidwal ng civic organization Knights ng Rizal, para sa kanyang "walang katulad na tagumpay bilang Pangulo at pagpapanumbalik ng pananampalataya ng mga tao sa pamahalaan."

Tinanggap din ni Duterte ang parangal at sinabi na ang pagkilala ay "tunay na nakapanliliit:"

"Ang iyong pagbibigay sa akin ngayon ng Knight Grand Cross of Rizal, ang pinakamataas na degree na maibibigay ng Knights of Rizal sa sinumang tao, ay tunay na nakapanliliit ... Sana ay mabigyan ko ng katarungan ang parangal na inyong ipinagkaloob sa akin ngayon. "

Pinagmulan: RTVM, 21st International Assembly and Conference of the Knights of Rizal, Peb. 23, 2017

Kabilang sa mga parangal at pagkilala na tinanggihan ng pangulo noon ay ang honorary doctorate na iginawad ng Unibersidad ng Pilipinas noong Abril 2017.

Mga pinagkunan ng impormasyon:

Presidential Communications Operations Office, Speech during the inauguration of Bohol-Panglao International Airport, Nov. 27, 2018

The Manila Times, Duterte is The Manila Times ‘Man of the Year’, Feb. 11, 2018

PCOO, Duterte highlights vision during business forum, Feb. 10, 2017

RTVM, The Manila Times 5th Business Forum, Feb. 11, 2017

RTVM, Speech of President Rodrigo Duterte at the Manila Times 5th Business Forum, Feb. 11, 2017

PCOO, Duterte receives highest Knights of Rizal Award, Feb. 24, 2017

RTVM, 21st International Assembly and Conference of the Knights of Rizal, Feb. 23, 2017

ABS-CBN News Online, Duterte declines UP honorary degree offer, April 19, 2017

CNN Philippines, Duterte ‘declines’ U.P. honorary degree, April 19, 2017

Philstar.com, Duterte declines UP honorary doctorate, April 20, 2017

Ang VERA Files Fact Check ay sumusubaybay sa mga maling salaysay at nakaliligaw na mga pahayag ng mga pampublikong opisyal at personalidad, at itinatama ang mga ito gamit ang mga tunay na ebidensya. Kami ay ginagabayan ng mga prinsipyo ng International Fact-Checking Network sa Poynter. Para sa karagdagang impormayan bisitahin ang pahinang ito.

FOR FURTHER READING

VERA FILES FACT CHECK: Duterte falsely claims he never accepts awards

He did in 2017.

VERA FILES FACT CHECK: Duterte binago ang naunang pahayag tungkol sa foreign service degree

Binago ni Pangulong Rodrigo Duterte ang naunang pahayag na siya ay "kumuha ng AB Foreign Service."

VERA FILES FACT CHECK: 'Bato' Dela Rosa, Duterte magkasalungat ang pahayag tungkol sa mga sumuko sa drug war

Sinabi kamakailan ng kandidato para sa pagkasenador na si Ronald "Bato" Dela Rosa na mayroon nang…

About Vera Files

Founded in March 2008, VERA Files is published by veteran Filipino journalists taking a deeper look into current Philippine issues. Vera is Latin for “true.”

Contact Us

Email us at [email protected]

MEMBER