Categories
Fact Check Filipino

VERA FILES FACT CHECK: Anti-Duterte blogger nag post ng maling impormasyon tungkol sa ‘Build, Build, Build’ project

Nag post si Jover Laurio, ang taong nasa likod ng PinoyAko Blog (PAB), ng maling pahayag noong Hulyo 1 kaugnay ng isang flood control project sa Pampanga na gumuho noong Hunyo. Ayon kay Laurio, ang proyekto ay nasa ilalim ng programang “Build, Build, Build” ng administrasyong Duterte.

STATEMENT

Ang post ni Laurio na “So this is the Build, Build, Build …” ay may kasamang mga screengrab mula sa isang episode noong Hunyo 28 ng Reporter’s Notebook tungkol sa pagguho noong Hunyo 19 ng halos isang-katlo ng P140- milyong dike sa bayan ng San Simon, dalawang araw bago ang target na petsa ng pagkumpleto nito.

Isinama ni Laurio ang mga detalye ng proyektong, na matatagpuan sa isang tweet mula sa Twitter account ng programa:

Proyekto: Kongkretong pader ng ilog sa Pampanga River
Lokasyon: San Simon, Pampanga
Petsa ng pag-uumpisa: Nob. 24, 2017
Target na petsa ng pagtatapos: Hunyo 21, 2018
Halaga ng proyekto: 140 milyon pesos

Pinagmulan: ReportersNBGMA7.(2018, Hunyo 28). Project: Concrete
River Wall in Pampanga River [Tweet]. Kinuha mula https://twitter.com/ReportersNBGMA7/status/1012362…


Bago tinapos ang kanyang post, na isinulat bilang isang bukas na liham kay Pangulong Rodrigo Duterte, iminungkahi ni Laurio sa chief executive na baguhin ang pangalan ng kanyang programa mula sa “build, build, build” sa “collapse, collapse, collapse.”

FACT

Ang San Simon flood project ay hindi kasama sa P9-trilyong ($ 180 bilyong) Build, Build, Build na programa sa impraistraktura ng administrasyong Duterte.

Ang dike ay isang proyekto ng tanggapan ng Department of Public Works and Highways sa Rehiyon III, at isinasagawa ng DPWH Unified Project Management Office – Flood Control Management Cluster (UPMO-FCMC), na “nagsasagawa ng pagpapatupad ng proyekto … sa tubig at latak na kaugnay ng disaster mitigation.”

Ang impormasyong ito ay nasa billboard ng proyekto ng dike na nakuhanan ng video ng Notebook ng Reporter. Ang signage na ipinag-utos ng DPWH ay nagbibigay ng impormasyon tungkol sa mga pampublikong proyektong imprastraktura:

Rehabilitation of Pampanga River Basin, Barangay San Nicolas, San Simon, Pampanga
Contractor: Fedstar Builders/D.L. Cervantes Const. (JV)
Petsa ng paguumpisa: Nob. 24, 2017
Petsa ng pagtatapos ng kontrata: Hunyo 21, 2018
Halaga ng kontrata: P140,742,421.67
Tanggapan na tagapagpatupad: UPMO-FCMCPinagmulan ng pondo: GAA 2017

Pinagmulan: [GMA Public Affairs]. (2018, Hunyo 29). Reporter’s Notebook: Flood control project sa San Simon, Pampanga, gumuho bago pa man matapos.

“(B) uild, Build, Build ay intergovernmental,” sabi ni UPMO-FCMC public information officer Jerry Fano sa Vera Files. “Ang San Simon flood control prioject ay isang lokal na proyekto ng DPWH.”

Ang rehabilitasyon ng dike ng San Simon ay hindi kabilang sa 75 Build, Build, Build na mga proyekto na nakalista sa website ng National Economic Development Authority o sa 61 na mga proyekto na nakalista sa opisyal na website ng programa.

Mula sa higit 4,000 na mga proyektong pang-imprastraktura na nakalista sa 2017-2022 Public Investment Program ng NEDA — “ang rolling list ng mga programa at proyekto na ipapatupad ng pamahalaan” — ang multitrillion-peso na pang imprastrakturang inisyatibo ay nagpapabilis ng pag apruba at implementasyon ng 75 mga proyekto na nakikita ng administrasyon na “magpapalakas ng paglago ng ekonomiya” sa pamamagitan ng paggawa ng “mga merkado at mga oportunidad sa negosyo” na mas madaling maabot, sabi ng NEDA.

Ang ambisyosong programa sa impraistraktura ay inaasahan na lilikha ng 1.7 milyong trabaho, magtutulak ng pamumuhunan sa kanayunan, magpapanatili sa paglago at pagbawas ng kahirapan.

Mula sa “kumplikadong mga network ng kalsada, mga mahahabang mga tulay, pagkontrol ng baha at mga sistema ng patubig sa lunsod, (mga) pampublikong transportasyon, port, airport, at mga pamumuhunan ng tren,” kasama sa mga proyekto sa ilalim ng programang Build, Build, Build ang mga na nagsimula noong nakaraang mga administrasyon, tulad ng pagpapalawak ng Mactan-Cebu International Airport na inumpisahan noong 2010 sa ilalim ni dating pangulong Benigno “Noynoy” Aquino III at ang pagpapaunlad ng Tarlac-Pangasinan-La Union Expressway, na nagsimula noong 1996 sa panahon ng dating Pangulong Fidel V. Ramos .

Ang maling post ni Laurio ay maaaring umabot sa higit 401,000 katao. Lumabas ito ilang araw matapos sabihin ni Presidential Spokesperson Harry Roque sa isang press briefing na nais ni Duterte na “ipatupad ng mas mabilis” ang mga proyekto na Build, Build, Build sa mga probinsya.

Ang mga pinakamalaking traffic generator ng istorya sa social media ay ang mga Facebook page na PinoyAko Blog, Thinking Class of the Philippines at SenTrillanes Power. Ang PinoyAko Blog ay nilikha noong Enero 2017.

Mga pinagmulan ng impormasyon:

Build.gov.ph, Build, Build, Build: Philippine Infrastructure Transparency Portal: Projects, n.d.

Department of Public Works and Highways, Unified Project Management Office (UPMO) – Flood Control Management Cluster, n.d.

GMA Public Affairs, Reporter’s Notebook: Flood control project sa San Simon, Pampanga, gumuhobago pa man matapos, June 29, 2018.

Government Procurement Policy Board, UPDATED ANNUAL PROCUREMENT PLAN (APP) for Civil Works, n.d.

Jerry Fano, personal correspondence, July 3, 2018.

Mactan-Cebu-PH International Airport, Mactan-Cebu-PH International Airport, n.d.

National Economic Development Authority, Infrastructure Flagship Programs as of June 13, 2018, June 13, 2018.

National Economic Development Authority, Public Investment Program 2017-2022, n.d.

National Economic Development Authority, Socio Economic Report Chapter 19: Accelerating Infrastructure Development, March 28, 2018.

Philippine Information Agency, PGMA to break ground for P11-B Tarlac-La Union Toll Expressway, April 21, 2008.

@ReportersNBGMA7, Project: Concrete River Wall in Pampanga River, June 28, 2018

Presidential Communications Operations Office, Press Briefing of Presidential Spokesperson Secretary Harry Roque, June 26, 2018.

Ang VERA Files Fact Check ay sumusubaybay sa mga maling
salaysay at nakaliligaw na mga pahayag ng mga pampublikong opisyal at
personalidad, at itinatama ang mga ito gamit ang mga tunay na ebidensya. Kami
ay ginagabayan ng mga prinsipyo ng International Fact-Checking Network sa
Poynter. Para sa karagdagang impormayan bisitahin ang pahinang ito.