Nangako si Pangulong Rodrigo Duterte limang buwan na ang nakaraan na bumuo ng isang komisyon laban sa korupsyon sa isang “karera laban sa oras.”
Iba na ang kinakanta ng kanyang tagapagsalita ngayon.
STATEMENT
Sa isang speech noong Agosto 29, inihayag ni Duterte ang pagbuo ng Presidential Anti-Corruption Commission (PACC):
“Ako ay bubuo ng isang anti-graft commission sa lalong madaling panahon upang imbestigahan ang mga reklamo ng katiwalian sa pamahalaan. Sa ito ay, uh, habulan ng panahon. Ayaw ko ng mga imbestigasyon na tumagal ng higit sa … isang buwan. “
Pinagmulan: Talumpati ni Pangulong Rodrigo Duterte sa panunumpa ng mga bagong opisyal, Agosto 29, 2017, Malacañang, panoorin mula 38:57 hanggang 39:12
Inakusahan ni Duterte ang Office of the Ombudsman, ang constitutional body na may mandating imbestigahan ang katiwalian sa gobyerno, sa pag-upo sa mga kaso; samakatuwid, kailangan ng isang hiwalay na komisyon:
“Ang problema ay, kailangan mong isampa ito sa Ombudsman. At doon nagsisimula ulit ang laro. Atrasado ang lahat ng iba pa. Hindi ko sinasabi na lahat. Hindi ko rin sinasabi … Hindi ko kaya, hindi ko masabi na (Ombudsman Conchita Carpio) si Morales ay may kinalaman. Ngunit huwag kang maniwala diyang (hindi naniniwala sa) Ombudsman na ‘yan. “
Source: Pinagmulan: Speech ni Pangulong Rodrigo Duterte sa panunumpa ng mga bagong opisyal, Agosto 29, 2017, Malacañang, panoorin mula 39:17 hanggang 39:34
Idinagdag pa ng pangulo:
“Iyan ang dahilan kung bakit lilikha ako ng anti-graft commission upang imbestigahan ang mga reklamo ng katiwalian sa pamahalaan. Bukod sa mga resulta ng pagsisiyasat na suportado ng sapat na katibayan, aking sususpindihin o kaya sisisantehin ang mga presidential appointees. “
Pinagmulan: Talumpati ni Pangulong Rodrigo Duterte sa panunumpa ng mga bagong opisyal, Agosto 29, 2017, Malacañang, panoorin mula 40:00 hanggang 40:14
Noong Oktubre 4, nilagdaan ni Duterte ang Executive Order No. 43, na lumilikha ng PACC.
FACT
Ang PACC ay wala pang operasyon, sinabi ni Palace spokesperson Harry Roque sa isang media briefing noong Enero 9:
“Ito ay naitatag ngunit hindi ito nabubuo.”
Pinagmulan: Press briefing ni Presidential Spokesperson Harry Roque, Enero 9, 2018, Malacañang, panoorin mula 8:39 hanggang 8:41
Idinagdag pa ni Roque na ang presidente ay “nagpatuloy at nagsisante ” ng maraming mga appointee kahit na wala ang tulong ng PACC, na tila taliwas sa importansya ng naunang pahayag ni Duterte:
“Ngunit ang pangulo ay hindi naghintay para sa pagbuo nito bago pa siya ay magsimulang magtanggal ng mga tiwaling opisyal sa gobyerno. Tulad ng alam ninyo, may, kahit na walang komisyon, siya ay nagtuloy at nagsisante ng marami sa kanyang mga presidential appointee. “
Pinagmulan: Press Briefing ni Presidential Spokesperson Harry Roque, Enero 9, 2018, Malacañang, panoorin mula 8:42 hanggang 8:56
Nang tanungin kung makakaasa pa rin ang mga tao sa pagtatatag ng PACC, sinabi ni Roque:
“Naniniwala ako diyan. Ngunit hindi siya naghihintay para sa pagbuo nito bago siya gumagalaw laban sa katiwalian. Ipinakita niya na mayroon o wala nito, siya ay may matibay na determinasyon laban sa katiwalian at ipapatupad niya ito.”
Pinagmulan: Press Briefing ni Presidential Spokesperson Harry Roque, Enero 9, 2018, Malacañang, panoorin mula 8:59 hanggang 9:09
Noong Enero 4, inihayag ni Roque na tinanggal ni Duterte sa posisyon si Maritime Industry Authority Administrator Marcial Amaro III dahil sa 24 biyahe sa ibang bansa sa loob ng 18 buwan na panunungkulan.
Nauna rito, tinanggal din ni Duterte so Presidential Commission for the Urban Poor Chairman Terry Ridon at iba pang mga mataas na opisyal dahil sa mga “hindi kinakailangang junket” at dahil sa hindi pagtupad sa mandatong magpulong bilang isang collegial body.
Mga pinagkunan ng impormasyon:
Executive Order No. 43, s. 2017
Press Briefing ni Presidential Spokesperson Harry Roque, Enero 4, 2018
Press Briefing ni Presidential Spokesperson Harry Roque, Enero 9, 2018
Press Briefing ni Presidential Spokesperson Harry Roque, Dis. 12, 2017
Talumpati ni President Rodrigo Duterte sa Oath Taking ng Bagong Itinalagang mga Opisyal
Ang VERA Files Fact Check ay sumusubaybay sa mga maling salaysay at nakaliligaw na mga pahayag ng mga pampublikong opisyal at personalidad, at itinatama ang mga ito gamit ang mga tunay na ebidensya. Kami ay ginagabayan ng mga prinsipyo ng International Fact-Checking Network sa Poynter. Para sa karagdagang impormayan bisitahin ang pahinang ito.
Read other interesting stories:
Click thumbnails to read related articles.
