​VERA FILES FACT CHECK: Biro ni Duterte tungkol sa K-12 mali ang detalye

Basahin sa Ingles

Maaaring ang nagbibiro lamang si Pangulo Rodrigo Duterte, pero sa kanyang 27 minutong talumpati sa graduation sa San Beda University noong Mayo 29 may patudsada siya tungkol sa patakaran sa edukasyon na mali.

PAHAYAG

Lumihis sa kanyang inihandang talumpati, sinabi ng presidente na ang anak niyang si Veronica "Kitty" Duterte ay nagreklamo tungkol sa programang K to 12 at sinisisi si Education Secretary Leonor Briones tungkol dito:

"Sabihin mo kung ano ang nakain niya? Bakit hinabaan niya itong kurso naming K-12?"

Pinagmulan: Talumpati ni Pangulong Rodrigo Roa Duterte sa graduation sa San Beda University, Mayo 29, 2018, panoorin mula 17:57 hanggang 18:33

Umani ng halakhak at palakpak ang pangulo, pero hindi niya itinama ang sinabi ng kanyang anak na babae.

FACT

Ang Enhanced Basic Educational Program Act of 2013 na mas kilala bilang K to 12 Program ay naging batas sa ilalim ng pamumuno ni dating Education Secretary Bro. Armin Luistro at dating Pangulong Benigno S. Aquino III.

Ang K to 12 program ay sumasaklaw sa 13 taon ng basic education, na kinabibilangan ng hindi bababa sa isang taon ng edukasyon sa kindergarten, anim na taon ng elementarya, apat na taon ng junior high school, at dalawang taon ng senior high school.

Ang Pilipinas ang huling bansa sa Asya na bumitaw sa 10-taong programa sa basic na edukasyon. Ang K to 12 cycle ay ang kinikilalang pamantayan para sa programa ng basic education sa buong mundo. Naniniwala ang mga tagapagtangkilik ng programa na ito ay nagbibigay ng sapat na panahon para maihanda ang mga nagtapos para sa tertiary education, skills development, trabaho at entrepreneurship.

Mga pinagmulan ng impormasyon:

K to 12 General Information, Department of Education

What is K to 12 program?, The Official Gazette

Speech of President Rodrigo Roa Duterte during the commencement exercises of San Beda University

Republic Act No. 10533

Ang VERA Files Fact Check ay sumusubaybay sa mga maling salaysay at nakaliligaw na mga pahayag ng mga pampublikong opisyal at personalidad, at itinatama ang mga ito gamit ang mga tunay na ebidensya. Kami ay ginagabayan ng mga prinsipyo ng International Fact-Checking Network sa Poynter. Para sa karagdagang impormayan bisitahin ang pahinang ito.

FOR FURTHER READING

​VERA FILES FACT CHECK: Duterte makes factually inaccurate joke about K-12

President Rodrigo Duterte in a 27-minute speech at San Beda University’s commencement exercises May…

VERA FILES FACT CHECK: Duterte muling pinaliit ang kanyang suweldo

Sa isang talumpati sa 6th Regional Community Defense Group sa Dingle, Iloilo noong Peb. 22, si…

VERA FILES FACT CHECK: Sa kanyang sariling mga salita: Duterte minsan mahirap, minsan mayaman

​Sinabi ni Pangulong Rodrigo Duterte sa ilang mga talumpati na siya ay mahirap, habang sa iba naman…

About Vera Files

Founded in March 2008, VERA Files is published by veteran Filipino journalists taking a deeper look into current Philippine issues. Vera is Latin for “true.”

Contact Us

Email us at [email protected]