VERA FILES FACT CHECK: Update ng 'Real Numbers PH' salungat sa pahayag ni Duterte

Basahin sa Ingles

Ang pinakabagong istatistika ng gobyerno kaugnay ng giyera laban sa droga ay salungat sa madalas na paulit-ulit na pahayag ni Pangulong Rodrigo Duterte.

PAHAYAG

Isang mambabasa ang humiling sa VERA Files Fact Check na beripikahin/alamin kung totoo ang pahayag ni Duterte noong Agosto 14 na:

"Sa ngayon, masasabi ko na mga 1,000 pulis at sundalo ang namatay dahil sa mga droga."

Pinagmulan: PCOO, Pangulo Rodrigo Duterte, talumpati sa paglulunsad ng programa ng Go Negosyo na Pilipinas Angat Lahat, Agosto 14, 2018, panoorin mula 29: 45-29:56

FACT

Sa isang press briefing noong Agosto 17, ang Presidential Communications Operations Office, Philippine National Police at National Bureau of Investigation ay nag-update ng "Real Numbers PH," ang sinasabing "totoong" datos sa digmaan laban sa droga. Ang update ay sumasaklaw sa panahon Hulyo 1, 2016 hanggang Hulyo 31, 2018.

Sinabi ni PNP spokesperson Benigno Durana Jr. na ang bilang ng mga nagpapatupad ng batas na napatay sa mga operasyon laban sa droga ay 87:

"Sa ngayon, ang iba't ibang ahensya na pagpapatupad ng batas laban sa droga ay nag alay ng kanilang buhay: 87 sila at may 200 na nasugatan sa mga operasyong ito."

Pinagmulan: PCOO, Press briefing sa Real Numbers PH, Malacañang, Agosto 17, 2018, panoorin mula 35:44 hanggang 35:55

Ito ang parehong datos na inilabas ng gobyerno para sa panahon hanggang Pebrero 8 ngayong taon.

Dati nang nagbibigay si Duterte ng mga datos na sumasalungat sa Real Numbers PH, na madalas na binabago ang dapat na bilang ng mga napapatay na tagapagpatupad ng batas.


Mga pinagkunan ng impormasyon:

Presidential Communications Communications Office, President Rodrigo Duterte, Speech during the launch of Go Negosyo’s Pilipinas Angat Lahat program, Aug. 14, 2018

PCOO, Press briefing on Real Numbers PH, Malacañang, Aug. 17, 2018

Communications Secretary Martin Andanar, Facebook page, “Stop Fake Numbers, Rely on #RealNumbers only!

Ang VERA Files Fact Check ay sumusubaybay sa mga maling salaysay at nakaliligaw na mga pahayag ng mga pampublikong opisyal at personalidad, at itinatama ang mga ito gamit ang mga tunay na ebidensya. Kami ay ginagabayan ng mga prinsipyo ng International Fact-Checking Network sa Poynter . Para sa karagdagang impormayan bisitahin ang pahinang ito.


FOR FURTHER READING

​VERA FILES FACT CHECK: Nakatatakot na larawan ni Duterte ng giyera laban sa droga hindi suportado ng datos ng gobyerno

Kabaligtaran ang istoryang inilalahad ng datos ng pamahalaan.

VERA FILES FACT CHECK: PNP Chief Dela Rosa pinaliit ang datos ng giyera laban sa droga

Ang bilang ni Dela Rosa ay hindi tumutugma sa tila mga "tunay na numero" kaugnay ng giyera laban sa…

VERA FILES FACT CHECK: Sabi ni Duterte 2-3 pulis ang napapatay araw-araw sa giyera laban sa droga

Ang bilang ng presidente ay salungat sa bilang ng "Real Numbers PH."

About Vera Files

Founded in March 2008, VERA Files is published by veteran Filipino journalists taking a deeper look into current Philippine issues. Vera is Latin for “true.”

Contact Us

Email us at [email protected]

MEMBER