VERA FILES FACT CHECK: Hindi totoo ang pahayag ng kolumnistang si Jerry Tundag na ‘tinanggap’ ni Marcos Jr. ang pagbabasura ng kanyang election protest noong 2016
Iginiit sa pamamagitan ng isang tweet ng kolumnistang si Jerry Suico Tundag ng pahayagang The Freeman na nakabase sa Cebu ang maling pahayag na “tinanggap” ni presidential candidate Ferdinand “Bongbong” Marcos Jr. ang desisyon ng Presidential Electoral Tribunal (PET) na ibasura ang kabuuan ng kanyang protesta laban kay Vice President Leni Robredo anim na taon na ang nakararaan.
