Categories
Fact Check Filipino
VERA FILES FACT CHECK: Walang konteksto ang pahayag ng government communication bureau na proyekto ni Marcos Jr. ang EDSA Greenways
Nabuo ang konsepto ng EDSA Greenways Project noong 2017 sa ilalim ng administrasyong Duterte. Layunin ng limang-kilometrong elevated walkway, na tinatayang nagkakahalaga ng $179.3 milyon, na isulong ang paggamit ng pampublikong sasakyan at pahusayin ang mga pasilidad ng pedestrian sa paligid ng apat na istasyon ng tren sa kahabaan ng EDSA, na “hindi maganda ang disenyo, hindi komportable, at hindi ligtas,” ayon sa mga dokumento ng proyekto sa ang website ng Asian Development Bank.