VERA FILES FACT CHECK: ‘Kikiam,’ ‘fishball,’ hindi gawa sa karne ng ahas
Hindi totoo ang sinasabi sa isang Facebook post ng isang Filipino netizen tungkol sa umano’y paggamit ng karne ng ahas bilang sangkap sa maraming pagkaing ibinebenta sa kalye. Ang mga litrato na ginamit sa post ay hindi sa Pilipinas o para sa paggawa ng pagkaing ibinebenta sa kalye. Ang isang parehong kuwento ay napasinungalingan na sa Thailand.
