VERA FILES FACT CHECK: Halos P400K ang buwanang suweldo na tinanggap ni Duterte bilang presidente, hindi P197K gaya ng sinasabi niya ngayon
Mula 2019 hanggang sa natapos ang kanyang termino noong Hunyo 2022, ang buwanang suweldo ni Duterte ay mula P388,096 hanggang P399,739. Nang maupo siya sa pagkapangulo noong Hunyo 2016, ito ay nasa P160,924 hanggang P165,752 bawat buwan, ngunit tumaas ito ng halos dalawang beses noong 2017 (mula P215,804 hanggang P222,278) at 2018 (mula P289,401 hanggang P298,083).
