Nangopya ang Philippine Information Agency (PIA) ng mga bahagi ng pag-aaral ng independent researcher na si Jeanne Frances Illo sa Bicol River Basin Development Project (BRBDP) ng yumaong pangulo Ferdinand Marcos Sr. Ang PIA ay pag-aari ng gobyerno.
Inalis sa artikulo ng PIA ang konteksto mula sa parehong pag-aaral na pumuna sa istruktura ng proyekto, na gustong buhayin ni Pangulong Ferdinand Marcos Jr. upang tugunan ang pagbaha sa rehiyon ng Bicol.
PAHAYAG
Inilathala ng PIA ang artikulo ng balita noong Okt. 26 habang iniulat nito ang isang situation briefer na isinagawa ni Marcos Jr. noong araw na iyon sa Naga City nang bisitahin niya ang mga lugar na tinamaan ng severe tropical storm Kristine.
Si Miguel Reyes, isang university research associate ng Marcos Regime Research program ng Third World Studies Center ng University of the Philippines’, ang nag-flag ng plagiarism ng PIA sa isang artikulo noong Nob. 11 na inilathala sa VERA Files.
Idinetalye ng artikulo ng PIA ang mga tampok ng BRBDP, na binanggit ni Marcos Jr. bilang isang pangmatagalang solusyon sa problema sa pagbaha sa Bicol Region.
Ang ulat na walang may-akda ay nagsabi:
“The BRBDP was initiated in the 1970s to focus on geography-based development in the Bicol region. This was then one of the major regional development programs of the Marcos Sr. administration.
(“Ang BRBDP ay pinasimulan noong 1970s upang tumuon sa pag-unlad na nakabatay sa heograpiya sa rehiyon ng Bicol. Isa ito sa mga pangunahing programa sa pagpapaunlad ng rehiyon ng administrasyong Marcos Sr.)
It was a $46.8-million package primarily funded by USAID, with support from the Asian Development Bank (ADB) and the European Economic Community, and overseen by the Ministry of Public Works and Highways back then.”
(“Ito ay isang $46.8-million package na pangunahing pinondohan ng USAID, na may suporta mula sa Asian Development Bank (ADB) at European Economic Community, at pinangangasiwaan ng Ministry of Public Works and Highways noon.”)
Pinagmulan: Philippine Information Agency, PBBM’s Bicol visit injects fresh ideas into old dev’t project (archive), Okt. 26, 2024
Ang artikulo ay nagpatuloy sa papuri sa mga umano’y benepisyo ng proyektong Marcos Sr. at mga detalyadong site kung saan ang proyekto ay pinaiiral. Sinabi nito:
“Nevertheless, the BRBDP’s irrigation and land consolidation (agrarian reform) projects marked notable development of rural organizations and institutions, such as the Bicol Integrated Health, Nutrition, and Population Project.
(“Gayunpaman, ang mga proyekto ng irigasyon at land consolidation (repormang agraryo) ng BRBDP ay nagdala ng kapansin-pansing pag-unlad ng mga organisasyon at institusyon sa kanayunan, tulad ng Bicol Integrated Health, Nutrition, and Population Project.)
In the mid-1980s, the benefits of the program were finally noticed, resulting from road improvements as manifested in greater mobility, travel time savings, improved access to markets as well as to medical, educational, and recreational facilities, and trade.
(“Noong kalagitnaan ng dekada 1980, napansin na rin ang mga benepisyo ng programa, na nagreresulta mula sa mga pagpapabuti ng kalsada na nakita sa higit na madaliang pagkilos, mas kaunting oras ng paglalakbay, pinabuting pag-access sa mga pamilihan pati na rin sa mga pasilidad na medikal, pang-edukasyon, at libangan, at kalakalan.)
Also, some 400 target barangays were provided with communal water systems and environmental sanitation facilities. Coinciding with the programs social, economic, and health benefits, mortality and malnutrition rates in the provinces of Camarines Sur and Albay had markedly gone down.”
(“Gayundin, may 400 target na barangay ang nabigyan ng communal water systems at environmental sanitation facilities. Kasabay ng mga programang panlipunan, pang-ekonomiya, at mga benepisyong pangkalusugan, ang dami ng namamatay at malnutrisyon sa mga lalawigan ng Camarines Sur at Albay ay kapansin-pansing bumaba.”)
ANG KATOTOHANAN
Mahigit sa 50% ng artikulo ng PIA, o 15 sa 21 na talata, ay plagiarized content mula sa isang pag-aaral ng independent development consultant na si Jeanne Frances Illo. Karamihan sa mga talatang ito ay teksto mula sa pag-aaral na kinopya nang halos bawat salita. Ang ulat ay kinopya rin mula sa iba pang mga pag-aaral na binanggit sa sinulat ni Illo.
Ang pag-aaral, na pinamagatang “Models of Area-Based Convergence: Lessons from the BRBDP and Other Programs,” ay nagdodokumento ng mga operasyon ng binasura na proyekto sa pagkontrol sa baha at nagbibigay ng kritisismo at rekomendasyon tungkol dito.
Inilathala ito sa 2012-2013 na edisyon ng Philippine Human Development Reports at pinondohan ng United Nations Development Program.
Inalis din sa artikulo ng PIA ang importanteng konteksto hinggil sa pagpuna sa BRBDP bilang isang proyektong pinamunuan sa pambansang antas, na siyang gustong muling buhayin ni Marcos Jr.
Bagama’t kinopya ng ulat ng PIA ang mga partikular na punto ng pagpuna sa pag-aaral, nagpatuloy si Illo sa konklusyon na ang mga inisyatibong inter-lokal na nakabatay sa lugar ay mas mahusay na tumugon sa mga pangangailangan ng mga lokalidad kaysa sa mga programang pinondohan ng national at -coordinated tulad ng BRBDP, sa kabila ng financial volatility ng mga lokal na proyekto.
“Ang pagpapanatili ng parehong [mga alyansa ng lokal na proyekto] at ang kanilang mga pagsusumikap ay nakasalalay sa kung ito ay nagsisilbi sa pangkalahatang kabutihan ng mga miyembro nito, na tinitiyak na patuloy nilang pinagsama ang kanilang resources upang makamit ang kanilang mga layunin bilang isang grupo,” isinulat ni Illo.
Sa briefing noong Okt. 26, inatasan ni Marcos Jr. ang Department of Public Works and Highways (DPWH) na muling balikan ang BRBDP. Sinabi ni Secretary Manuel Bonoan na pinag-aaralan na ng ahensya ang mga plano para dito.
Iniulat din ng pangulo noong Nob. 6 na ang DPWH ay nakikipagtulungan sa Department of Environment and Natural Resources at Department of Interior and Local Government para i-coordinate ang mga solusyon sa pagbaha sa Bicol River Basin.
Habang ang artikulo ng PIA ay ibinabandera ang mga pangmatagalang benepisyo mula sa BRBDP sa kabila ng mga maliliit na sagabal sa pagpapatupad, ipinahihiwatig ni Illo na ang mga benepisyo ay hindi ganap na matiyak dahil sa kakulangan ng komprehensibong dokumentasyon.
“Ang BRBDP ay tila may pangmatagalang benepisyo kahit man lang sa komunidad na binisita… bagaman sa komunidad na iyon at sa ibang lugar, nagpapatuloy ang mga problema, ang ilan ay nauugnay sa mga nabigong proyekto ng BRBDP, habang ang iba (tulad ng pangmatagalang pagbaha) ay dahil sa likas na katangian ng isang river basin,” ang sabi ng pag-aaral.
BACKSTORY
Ang BRBDP ay pinasimulan sa ilalim ng administrasyong Marcos Sr. bilang isang hakbang upang mapahusay ang pag-unlad ng ekonomiya sa isang lugar na dulot ng pagbaha at mataas na poverty incidence. Itinuring itong isang eksperimento sa pagpaplanong nakabatay sa heograpiya.
Sa kabila ng pagtutok sa pisikal na imprastraktura tulad ng mga kalsada at daluyan ng tubig, gaya ng isinulat ni Illo, ang mga programa sa tulong panlipunan ay isinama sa proyekto.
Sa briefing noong Okt. 26 sa Naga City, iminungkahi ni Marcos Jr. ang muling pagbuhay sa BRBDP ngunit nakatuon lamang sa pagkontrol sa baha. “Ngayon, kailangan natin na mag focus lalo na sa flood control. Ang iba, marami naman tayong mga plano para sa natitirang bahagi nito,” sinabi ng pangulo.
Ang orihinal na BRBDP ay tuluyang inalis noong 1989. Taliwas sa sinabi ni Marcos Jr. sa parehong briefing, ang pagpapahinto nito ay hindi dahil sa pagbabago ng rehimen noong 1986.
Naglabas si Pangulong Corazon Aquino ng Executive Order No. 374, na nag-abolish sa BRBDP dahil sa pagtatatag ng mga regional development council na itinalaga upang mangasiwa sa mga naturang proyekto.
