FACT CHECK: Duterte urong-sulong sa utos na patayin ang mga adik sa droga

Nang tanungin tungkol sa kanyang patakaran sa giyera laban sa droga, iginiit ni dating pangulong Rodrigo Duterte na hindi niya ipinag-utos ang pagpatay sa mga adik sa droga. Hindi ito totoo, ngunit kalaunan ay inamin niya na ginawa nga niya ito.

Tingnan ang FACT SHEET: Duterte’s ‘never-ending’ fight against drugs and corruption in his own words

PAHAYAG

Citing a July 1, 2016 article from the British newspaper The Guardian, Sta. Rosa City Rep. Dan Fernandez reminded Duterte during the Nov. 13 House quad committee hearing that he had admitted urging the killing of drug addicts. The report referenced Duterte’s speech after his June 30, 2016 inauguration.

Matapos banggitin ang isang artikulo noong Hulyo 1, 2016 mula sa pahayagang British na The Guardian, pinaalalahanan ni Sta. Rosa City Rep. Dan Fernandez si Duterte sa pagdinig ng quad committee ng Nob. 13 na inamin ng dating pangulo ang kanyang paghimok na patayin ang mga adik sa droga. Tinukoy ng ulat ang talumpati ni Duterte pagkatapos ng kanyang inagurasyon noong Hunyo 30, 2016.

Sa pagsipi sa dyaryo, sinabi ni Fernandez, “Sinabi niyo po dito, ‘Kung may kilala kayong mga adik, sige at patayin ninyo na mismo dahil masyadong masakit kung kukunin nyo pa ang mga magulang para sila ang pumatay.'”

Sinabi ni Duterte na ang ulat ay mali, at sinabing:

“I am talking of the drug manufacturers and drug dealers… Talagang sinabi ko, pero hindi tama ‘yan [report]… sinabi hindi adik. Sabi ko drug dealers and drug pushers. Bakit mo patayin ‘yang adik? Dalhin mo sa ospital.”

(“Ang mga gumagawa ng droga at nagpapakalat nito ang sinasabi ko…Talagang sinabi ko iyon pero hindi tama ‘yan [ulat]… ang sinabi hindi mga adik sa droga. Sabi ko mga nagbebenta ng droga at mga tulak ng droga. Bakit mo papatayin ang adik? Dalhin sila sa ospital.”)

Pinagmulan: House of Representatives Official Youtube, ELEVENTH PUBLIC HEARING OF THE HOUSE QUAD-COMMITTEE, Nob. 13, 2024, panoorin mula 2:52:48 hanggang 2:53:25

ANG KATOTOHANAN

Sa kanyang talumpati noong Hunyo 30, 2016 sa isang solidarity dinner sa Delpan Sports Complex sa Tondo, Manila, sinabi ni Duterte:

“‘Yung mga adik ho diyan, kayo na lang ho ang pumatay…Kung anak niya, ikaw ang pumatay. Kung anak niya ang adik, kayo ang pumatay para hindi masyadong masakit para sa mga magulang niya.”

Nagbabala siya:

“Dadating talaga ‘yan. Mamamatay ‘yan [drug addict].”

Sa kanyang interpellation kalaunan sa parehong pagdinig ng komite ng Kamara, binigyang-diin ni Manila Rep. Bienvenido Abante Jr. na taliwas sa iginiit ni Duterte, ang tinutukoy ng dating pangulo ay mga drug addict, hindi mga drug lord at pusher, nang sinabi niya kung sino ang dapat patayin.

“Nagkamali po kayo no’ng sinabi niyong,” sinabi ni Abante.

Sumasang-ayon kay Abante, sinabi ni Duterte, “Nagkamali ako,” at idinagdag na ang tinutukoy niya ay “mga drug lord at adik sa droga.”