Categories
Fact Check Filipino

VERA FILES FACT CHECK: Ang pabago-bagong paninindigan ni Duterte sa ‘endo’

(Nai-update na) Bilang kandidatong Rodrigo Duterte, nang tanungin sa huling round ng pampanguluhang debate sa Pangasinan noong Abril 2016 kung paano niya tutugunan ang “endo” (pagtatapos ng kontrata), ang kalakaran ng kontraktwalisasyon ng trabaho sa pribadong sektor, ipinangako niyang wakasan ito sa sandaling siya ay maluklok sa puwesto.

Pagkalipas ng dalawang taon, ang pangako ay nananatiling isang pangako.

Si Pangulong Rodrigo Duterte ay hindi pa naglalabas ng anumang executive order kaugnay nito, at ang Malacañang ay tila nakahanda nang ipasa ang problema sa Kongreso.

Panoorin ang video na ito.

(Nai-update na): Noong Mayo 1, sa pagdiriwang ng Labor Day sa Cebu City, si Pangulong Rodrigo Duterte ay pumirma ng isang executive order na nagbabawal sa “illegal contracting o subcontracting.”

Gayunpaman, ang Malacanang ay hindi sumagot nang tanungin ng VERA Files sa pamamagitan ng SMS kung bakit kailangan ng isang EO para ipagbawal ang kalakaran na ilegal na.

Ang Department of Labor and Employment ay nakapaglabas na noong Marso ng nakaraang taon ng Department Order 174 na nagkokontrol sa pagkokontrata at pag-subcontract ayon sa mga Artikulo 106 hanggang 109 ng Labor Code. Binanggit ng utos ang pinahihintulutan pati na rin ang “mga ipinagbabawal na paraan ng pag-aayos ng tagapag-empleyo.”

Sa okasyon sa Cebu, binasa nang malakas ni Labor Secretary Silvestre Bello ang teksto ng EO 51 ng 2018, isang seksyon na nagsasaad:

“Seksyon 2. Pagbabawal laban sa ilegal na pagkontrata o subcontracting. Ang pakikipagkontrata o subcontracting, kapag isinasagawa upang paikutan ang karapatan ng manggagawa sa security of tenure/seguridad ng panunungkulan, pansariling organisasyon at kolektibong bargaining at mapayapang magkakasama na mga aktibidad, alinsunod sa 1987 Philippine Constitution, ay lubos na ipinagbabawal. ”

Pinagmulan: Radio Television Malacañang Facebook live video ng talumpati ni President Rodrigo Duterte, 116th Labor Day Celebration, Cebu City, Mayo 1, 2018, panoorin mula 3: 31-4: 02

Binasa ng pangulo sa kanyang talumpati ang parehong seksyon:

“Seksyon 2. Pagbabawal laban sa ilegal na pagkontrata o subtracting (sic). Walang multiplikasyon at dibisyon dito ha.”

Pinagmulan: RTVM Facebook live video ng talumpati ni President Rodrigo Duterte, 116th Labor Day Celebration, Cebu City, Mayo 1, 2018, panoorin mula 13: 53-14: 02

Idinagdag niya na ang executive order na nagbabawal sa mga iligal na aksyon ng mga tagapag-empleyo ang pinaka maaari niyang gawin at siya ay “maaari lamang magpatupad” ng Labor Code sa kasalukuyang estado nito. Ang mga Artikulo 106 hanggang 109 ng Labor Code ay nagpapahintulot sa pagkokontrata at subcontracting:

“Ito nga ito. Ito ang pinaka magagawa ko. Ibinigay ko ang aking sagad. ”

Pinagmulan: RTVM Facebook live video ng talumpati ni President Rodrigo Duterte, 116th Labor Day Celebration, Cebu City, Mayo 1, 2018, panoorin mula 14: 27-14: 34

Ang Labor Code, umiiral na. Kaya kailangan ninyong baguhin o iwasto. O inirerekomenda ko ang buong pagbabago o muling bisitahin ang mga naunang batas.

Pinagmulan: RTVM Facebook live video ng talumpati ni President Rodrigo Duterte, 116th Labor Day Celebration, Cebu City, Mayo 1, 2018, panoorin mula 21: 05-21: 17

Sinabi ng Palace communications assistant secretary Kris Ablan sa VERA Files na ilalabas bukas ang EO 51.”Ilalabas ito kapag na lagyan na ng bilang at nailagay sa talaan,” sabi naman ni Palace spokesperson Harry Roque.

Hindi sinabi ni Roque kung bakit kailangan maglabas ng EO para ipagbawal ang labag na sa batas.

Ang VERA Files Fact Check ay
sumusubaybay sa mga maling salaysay at nakaliligaw na mga pahayag ng mga
pampublikong opisyal at personalidad, at itinatama ang mga ito gamit ang mga
tunay na ebidensya. Kami ay ginagabayan ng mga prinsipyo ng International
Fact-Checking Network sa Poynter. Para sa karagdagang impormayan bisitahin
ang
pahinang ito.