VERA FILES FACT CHECK: Balita tungkol sa paglilitis ng ICC kay Duterte, peke

Basahin sa Ingles

Isang mambabasa ng VERA Files Fact Check ang humiling na imbestigahan ang isang istorya online na nagsasabing si President Rodrigo Duterte ay lilitisin sa International Criminal Court (ICC) dahil sa extrajudicial killings o EJK.

Aming ineksamin. Gawa-gawa lang ang istorya.

Ang website na france24-tv.com, na naglabas ng istoryang “We are Going to Put Duterte on Trial in January—ICC,” ay ginagaya lang ang france24.com, isang internasyonal na kumpanya ng telebisyon sa France na nagbobrokas 24/7.

Ang pagdaragdag ng mga karakter tulad ng "-tv" sa URL ng mga website ng balita ay isang pangkaraniwang taktika ng mga website na nagpapanggap na lehitimo.

May iba pang palatandaan na ang France24-tv.com ay isang pekeng site ng balita -- walang mga byline o mga pangalan ng sumulat; walang About US at Contact Us na mga seksyon. Ayon sa isang domain name lookup service, ang website ay nilikha lamang noong Okt. 14 at naglabas ng unang kuwento noong Okt. 20.

Nang hingan ng komento, sinabi ni Atty. Ruben Carranza ng International Center for Transitional Justice na kung ang piskal ng ICC ay magsasagawa ng isang pormal na hakbang, ito ay tinatawag na "preliminary examination."

Dagdag pa, ito ay tutukoy sa sitwasyon sa isang bansa imbes na sa partikular na mga tao sa puntong iyon, sinabi ni Carranza.

Sa aming pagtsek, ang huling istorya ng France 24 kay Duterte noong Okt. 29 ay tungkol sa kanyang pagtalaga kay Rep. Harry Roque bilang presidential spokesperson.

Ang VERA Files Fact Check ay sumusubaybay sa mga maling salaysay at nakaliligaw na mga pahayag ng mga pampublikong opisyal at personalidad, at itinatama ang mga ito gamit ang mga tunay na ebidensya. Kami ay ginagabayan ng mga prinsipyo ng International Fact-Checking Network sa Poynter. Para sa karagdagang impormayan bisitahin ang pahinang ito.

FOR FURTHER READING

VERA FILES FACT CHECK: News on Duterte’s ICC trial fake

We checked. The story is fabricated.

VERA FILES FACT SHEET: Ano ang presumption of innocence?

Sa lahat ng kriminal na pag-uusig, ang akusado ay itinuturing na walang-sala hanggang hindi…

VERA FILES FACT SHEET: Panelo sinabi na nagbigay ang PHL ng 'malaking halaga' sa ICC. Gaano ito kalaki kumpara sa iba pang mga bansa?

Halos kalahati ng kabuuang kontribusyon sa ICC ay mula sa limang bansa lamang - Japan, Germany,…

About Vera Files

Founded in March 2008, VERA Files is published by veteran Filipino journalists taking a deeper look into current Philippine issues. Vera is Latin for “true.”

Contact us

Email us at newsroom@verafiles.org

Follow us

MEMBER