Sa kanyang arrival statement sa Maynila mula sa Davos, Switzerland noong Enero 21, sinabi ni Pangulong Ferdinand Marcos Jr. na ang Pilipinas ay “nangunguna [sa] economic recovery” hindi lamang sa rehiyon ng Asia-Pacific kundi maging sa mundo.
Ito ay hindi totoo.
PAHAYAG
Matapos makilahok sa World Economic Forum (WEF) na ginanap noong Enero 16 hanggang 20, nagsalita si Marcos sa harap ng mga opisyal ng gobyerno sa Villamor Air Base sa Pasay City. Sinabi niya:
“Ang ating pakikipag-ugnayan sa WEF ay nagbigay-daan sa maraming pinuno at eksperto sa gobyerno, sa negosyo, civil organization, at sa akademya na dumalo na makatanggap ng magandang balita na ang Pilipinas ay nangunguna sa pagbangon ng ekonomiya at performance hindi lamang sa Asia-Pacific kundi pati na rin sa mundo.”
Pinagmulan: RVMalacañang, Arrival Statement from Participation to the World Economic Forum in Davos, Switzerland 01/21/2023, Enero 21, 2023, panoorin mula 2:52 hanggang 3:12
ANG KATOTOHANAN
Sa Southeast Asia pa lang, ang gross domestic product (GDP) ng Pilipinas ay ikawalo sa pinakamabagal na nakabangon mula sa recession na dala ng COVID-19 pandemic, ayon sa datos mula sa IBON Foundation hanggang noong Abril 2022.
Ang datos mula sa ASEAN Statistics Division at International Monetary Fund (IMF) ay nagpapakita na ang Pilipinas ay nag-post ng ikatlong pinakamataas na inflation rate habang ang unemployment rate ay pangatlo sa pinakamataas sa Southeast Asia hanggang noong Oktubre 2022.
Ayon sa World Bank, ang mga indicator ng economic recovery ay kinabibilangan ng rebounding GDP, pagbaba ng unemployment rate at stabilizing inflation rate.
Hindi nangunguna ang Pilipinas sa rehiyon ng Asia-Pacific sa alinman sa mga indicator na ito.
Habang isinusulat ang report na ito, nakita ng VERA Files Fact Check ang maling pahayag na ikinalat sa hindi bababa sa 11 pro-administrasyon na Facebook pages at public groups, ayon sa social media monitoring tool na CrowdTangle.
Nakakita ka na ba ng anumang kahina-hinalang pahayag, larawan, meme, o online post na gusto mong i-verify namin? Sagutan ang reader-request form na ito.
Mga Pinagmulan
RTVMalacañang, Arrival Statement from Participation to the World Economic Forum in Davos, Switzerland 01/21/2023, Jan. 21, 2023
IBON Foundation, PH among worst performers in Southeast Asia, June 13, 2022
International Monetary Fund, World Economic Outlook (October 2022) – Inflation rate, average consumer prices, accessed on Jan. 25, 2023
ASEAN Statistics Division, Inflation rate, year-on-year change of the consumer price index, average of period (Annually), Dec. 2022
Philippine Statistics Authority, Summary Inflation Report Consumer Price Index (2018=100): October 2022, Nov. 4, 2022
ASEAN, ASEAN Economic Integration Brief, June 2022
International Monetary Fund, World Economic Outlook (October 2022) – Unemployment rate, accessed on Jan. 25, 2023
World Bank, WDI – Economy, accessed on Jan. 30, 2023
International Monetary Fund, World Economic Outlook (October 2022) – GDP, current price, accessed on Jan. 25, 2023
Centre for Monitoring Indian Economy, Unemployment in India: A Statistical Profile (September-December 2019),Dec. 2019
Centre for Monitoring Indian Economy, Unemployment in India: A Statistical Profile (September-December 2020),Dec. 2020
Centre for Monitoring Indian Economy, Unemployment in India: A Statistical Profile (September-December 2021),Dec. 2021
Centre for Monitoring Indian Economy, Unemployment in India: A Statistical Profile (September-December 2022),Dec. 2022
Cambodia Institute of Statistics, Report on the Cambodia Labour Force Survey 2019, 2019
Cambodia Institute of Statistics, Final Report of Cambodia Socio-Economic Survey 2019-2020, December 2020
Cambodia Institute of Statistics, Final Report of Cambodia Socio-Economic Survey 2021, December 2021
Maldives Bureau of Statistics, House Income and Expenditure Survey 2019, accessed on Jan. 26, 2023
International Labour Organization, ILO Data Explorer, accessed on Jan. 26, 2023
World Bank, Unemployment, (total % of the labor force)(Modeled ILO estimate) – Bangladesh, Dec. 6, 2022
(Ginagabayan ng code of principles ng International Fact-Checking Network sa Poynter, ang VERA Files ay sumusubaybay sa mga maling pahayag, flip-flops, nakaliligaw na mga pahayag ng mga pampublikong opisyal at kilalang personalidad, at pinasisinungalingan ang mga ito gamit ang tunay na ebidensya. Alamin ang inisyatibong ito at aming pamamaraan.)
Read other interesting stories:
Click thumbnails to read related articles.
