Categories
Fact Check Filipino
By VERA Files | Jul 08, 2022 9:15 PM
Hiniling kamakailan ng isang mambabasa ng VERA Files Fact Check na linawin ang isyu tungkol sa pagmamay-ari ng Malampaya gas field sa malayong pampang sa hilagang-kanluran ng Palawan kasunod ng mga ulat na ang grupo ng bilyonaryong si Enrique Razon Jr., sa pamamagitan ng development arm na Prime Infrastructure Holdings (PIH), Inc., ay “nakahanda nang makuha ang controlling stake” sa proyekto sa pamamagitan ng isang kasunduan kay Dennis Uy, ang negosyanteng taga-Davao ng Udenna Corp., at sa nakikitang pagkaubos ng gas reserves nito sa 2027.