Categories
Ano Raw Fact Check Filipino

VERA FILES FACT CHECK: PEKE ang posts tungkol sa DepEd na namimigay ng ayuda sa mga ga-graduate 

Ang Department of Education ay namimigay raw ng ayuda para sa mga estudyanteng ga-graduate

Facebook page Philippine Scholarship 2024-04-26 Peke

Panloloko ang mga ito. Ang DepEd ay walang mga ayuda para sa mga estudyanteng ga-graduate.

Sa kasalukuyang school year na matatapos sa May 31, maraming Facebook pages ang nagpapakalat na ang Department of Education ay namimigay raw ng ayuda para sa mga estudyanteng ga-graduate.

Peke ito. Walang announcement tungkol dito ang DepEd sa kanilang official website at social media accounts.

Noong April 26 ay may nag-post ng graphic na may picture ni DepEd Secretary Sara Duterte at may official seal ng DepEd:

Deparment of Education Cash Assistance S.Y. 2024. Announcement: sagot na ng DepEd ang graduation expenses mo, mag-register online. Elementary 5000, High School 6000, College 7000. Proof of graduation only ang kaylangan. APPLY NOW!

May isa pang graphic na nagsabing ang DepEd ay mamimigay raw ng ₱7,000 para sa mga ga-graduate sa 2025. 

Panloloko ang mga ito. Ang DepEd ay walang mga ayuda para sa mga estudyanteng ga-graduate. Ilang beses na ring itinanggi ng DepEd ang mga post tungkol sa mga pekeng scholarship na kumakalat online.

VERA Files Fact Check - ANG TOTOO: Hindi nag-aalok ng cash assistance ang DepEd para sa gastusin sa graduation ng mga mag-aaral sa elementary, high school at college. Phishing scams ang naturang mga post na kinukuha ang personal na impormasyon ng netizens.

Ang mga post ay may mga link na dinadala ang mga netizen sa mga website na nagnanakaw ng personal na impormasyon. 

Ayon sa kanilang official website, ang DepEd ay kasalukuyang may tatlong assistance programs: 

Ang mga ayuda ng gobyerno para sa mga estudyante sa college ay pinamamahalaan ng Commission on Higher Education, hindi DepEd.

Maraming beses nang pinasinungalingan ng VERA Files Fact Check ang mga post tungkol sa mga pekeng scholarship.

Ini-upload ng Facebook pages na Philippine Scholarship, PRC News and Updates at DSWD LandBank Pay out, ang mga panlolokong post ay may higit 2,000 interactions.


May nakita ka bang kaduda-dudang status, picture, meme, o iba pang post na gusto mong i-fact-check namin? Sagutan lang itong reader request form o i-message sa Viber ang VERA, the truth bot (Philippines).


(Editor’s Note: Nakikipagtulungan ang VERA Files sa Facebook para labanan ang pagkalat ng maling impormasyon. Alamin ang iba pang tungkol sa partnership na ito at ang pamamaraan namin.)