Kasunod ng ilang linggong mainit na talakayan tungkol sa kahilingan ng Office of the Vice President (OVP) at Department of Education (DepEd) para sa confidential funds, sinabi ni Vice President Sara Duterte na isinuko na niya ito upang wakasan ang pagkakawatak-watak dahil dito.
Ito ay nakapanliligaw.
PAHAYAG
Noong Nob. 9, naglabas ng pahayag ang OVP sa opisyal nitong Facebook page na nagsasabing:
“The Office of the Vice President can only propose a budget to support the safe implementation of our programs, activities, and projects to alleviate poverty and promote the general welfare of every Filipino family.
Nonetheless, we will no longer pursue the Confidential Funds.
Why?
Because this issue is divisive, and as the Vice President, I swore an oath to keep the country peaceful and strong.”
(“Ang Office of the Vice President ay maaari lamang magmungkahi ng budget para suportahan ang ligtas na pagpapatupad ng ating mga programa, aktibidad, at proyekto upang maibsan ang kahirapan at itaguyod ang pangkalahatang kapakanan ng bawat pamilyang Pilipino.
Gayunpaman, hindi na namin itutuloy ang paghingi ng Confidential Funds.)
Bakit?
Dahil ang isyung ito sanhi ng pagkakahati-hati, at bilang Vice President, nanumpa ako na panatilihing mapayapa at matatag ang bansa.”)
Sara Z. Duterte
Vice President of the Philippines
Secretary of the Department of Education
Pinagmulan: Office of the Vice President official Facebook account, The Office of the Vice President can only propose… (archive), Nob. 9, 2023
ANG KATOTOHANAN
Sa parehong araw, gayunpaman, si Duterte, habang inuulit ang kanyang desisyon na “hindi na ituloy” ang paghingi ng confidential funds, muling hiniling naman niya sa mga senador na ibigay na lang sa National Learning Recovery Program ng DepEd ang halaga.
Inalis ng House of Representatives ang P1.23 bilyong confidential funds ng limang ahensyang sibilyan, kabilang ang P500 milyon ng OVP at P150 milyon ng DepEd, mula sa P5.768 trilyong panukalang budget para sa 2024 at ipinamahagi ang mga halagang sa mga ahensyang higit sa lahat sangkot sa pagprotekta sa West Philippine Sea.
Sa Senate plenary deliberation sa panukalang P758.6-bilyong budget ng DepEd para sa 2024, binasa ni Sen. Pia Cayetano, na nag-sponsor nito, ang pahayag ni Duterte, na bahagyang nagsabi:
“We humbly request the funds be realigned to the National Learning Recovery Program because we do not expect good scores for the 2022 PISA results coming out this December.”
(“Kami ay buong kababaang-loob na humihiling na ang mga pondo ay maiayon sa National Learning Recovery Program dahil hindi namin inaasahan ang magagandang marka para sa mga resulta ng 2022 PISA na lalabas ngayong Disyembre.”)
Pinagmulan: Senate of the Philippines, Senate Session No. 30, Nob. 9, 2023
Ang Organization for Economic Co-operation and Development (OECD) ay nagsasagawa ng Program for International Student Assessment (PISA) tuwing tatlong taon upang suriin ang kaalaman at kasanayan ng mga 15 taong gulang na mag-aaral sa buong mundo sa pagbabasa, matematika at agham.
Habang sinusuri ng PISA ang mga kakayahan ng mga mag-aaral sa buong mundo mula noong 2000, ang Pilipinas ay unang lumahok noong 2018, na may ranggo na pinakamababa sa pagbasa at pangalawa sa pinakamababa sa agham at matematika sa 79 na bansa. Nakatakdang ilabas ng PISA ang 2022 score para sa lahat ng mga kalahok na bansa sa Dis. 5.
(Tingnan ang VERA FILES FACT SHEET: Bakit kailangan ang confidential at intelligence funds? at VERA FILES FACT SHEET: Ano ba talaga, Sara?)
May nakita ka bang kaduda-dudang status, picture, meme, o iba pang post na gusto mong i-fact-check namin? Sagutan lang itong reader request form o i-message sa Viber ang VERA, the truth bot (Philippines).
Mga Pinagmulan
On the House removing confidential and intelligence funds from five gov’t agencies in the proposed 2024 budget
- CNN Philippines, Zero confidential funds in 2024 budget for OVP, DepEd, DICT, DA, DFA, Oct. 10, 2023
- Inquirer.net, OVP, DepEd, 3 other offices lose P1.2B in secret funds, Oct. 11, 2023
- GMA News Online, House strips OVP, four other agencies of confidential funds, Oct. 10, 2023
On PISA Rankings
- OECD, PISA 2018 Results Combined Executive Summaries VOLUME I, II, & III, Accessed Nov. 15, 2023
- OECD, Global launch: PISA 2022 results, Accessed Nov. 15, 2023
(Ginagabayan ng code of principles ng International Fact-Checking Network sa Poynter, ang VERA Files ay sumusubaybay sa mga maling pahayag, flip-flops, nakaliligaw na mga pahayag ng mga pampublikong opisyal at kilalang personalidad, at pinasisinungalingan ang mga ito gamit ang tunay na ebidensya. Alamin ang inisyatibong ito at aming pamamaraan.)
Read other interesting stories:
Click thumbnails to read related articles.
