VERA FILES FACT CHECK YEARENDER: Bigas, hot topic sa disinformation tungkol sa agrikultura

Ngayong taon, naging matunog na usapin ang pagpapababa sa presyo ng bigas na isa sa mga pinaka-ibinidang “aspiration” ni Pangulong Ferdinand Marcos Jr. simula pa noong nangangampanya siya.

Sa isyu ng disinformation sa agrikultura, nakapag-monitor ang VERA Files Fact Check ng 15 pahayag ng mga opisyal ng gobyerno at online posts. Labintatlo rito ay tungkol sa bigas at siyam ang direktang tumutukoy sa pagpapababa ng presyo nito.

Karamihan sa mga pahayag na na-fact check ay galing sa pangulo, na dati ring kalihim ng Department of Agriculture (DA). Sumunod si Sen. Cynthia Villar, chairperson ng Senate Committee on Agriculture. May ilang pahayag din mula kay House Speaker Martin Romualdez at undersecretaries ng DA.

Sa pagtatapos ng taong 2023, ating balikan ang mga disinformation sa presyo ng bigas: