VERA FILES FACT CHECK: Dela Rosa inulit ang maling pahayag na nahaharap siya sa kaso sa ICC
Binanggit na naman ni Senador Ronald “Bato” Dela Rosa sa pagdinig sa Senado ang maling impormasyon na mayroon siyang kaso sa International Criminal Court (ICC) dahil sa kanyang kampanya laban sa ilegal na droga. Mapanlinlang din niyang sinabi na ipagpapatuloy niya ang kampanya kahit na siya ay “bitayin” ng korte na nakabase sa Netherlands.