FACT CHECK: MALI-MALI ang ulat ng SMNI sa mga kaso laban sa KOJC manager

Hindi totoo ang sinabi ng Sonshine Media Network International (SMNI) sa ulat nito na ibinasura ng korte ng Estados Unidos ang mga kasong human trafficking, forced labor at money laundering laban kay Marissa Dueñas, ang human resources manager ng Kingdom of Jesus Christ (KOJC) sa U.S.

Wala sa mga kasong ito ang isinampa kay Dueñas, ayon sa isang 2021 superseding indictment laban kay KOJC founder Apollo Quiboloy at walong iba pang kasamahan. Kinasuhan siya ng conspiracy to commit an offense against the U.S., fraud and misuse of visas at marriage fraud.

PAHAYAG

Sinabi sa bahagi ng ulat na balita ng SMNI noong Okt. 10, ang broadcast arm ng KOJC:

“Mabibigat na kasong human trafficking, forced labor, at money laundering ang ibinasura ng korte sa Amerika matapos pumasok sa isang plea bargaining agreement ang akusadong leader ng KOJC na si Marissa Dueñas…”

Ang pahayag ng SMNI ay batay sa isang sipi mula sa abogadong si Elvis Balayan, na kumakatawan sa mga abogado ni Dueñas. Bahagi ng pahayag ni Balayan ay nagsasabing:

“…sa pamamagitan po ng plea bargaining, pumayag ang mga abogado ng Estados Unidos na ibasura ‘yung mga napakabigat na krimen na isinampa laban sa kanya, kagaya ng forced labor, money laundering, human trafficking.”

Pinagmulan: SMNI News – DZAR Manila 1026 AM Radio website, Korte sa Amerika, ibinasura ang kasong human trafficking, forced labor, money laundering vs KOJC leader (archive), Okt. 10, 2024

The erroneous SMNI report and its AM radio web article version appeared three days after Dueñas pleaded guilty for conspiracy against the U.S. government on Oct. 7. Dueñas specifically admitted guilt in organizing sham marriages for KOJC to grant U.S. immigration status to its members.

Ang maling ulat ng SMNI at ang bersyon ng AM radio web article nito ay lumabas tatlong araw pagkatapos umamin ng guilty si Dueñas sa pagsasabwatan laban sa gobyerno ng U.S. noong Okt. 7. Partikular na inamin ni Dueñas ang pagkakasala sa pag-oorganisa ng sham marriages para sa KOJC na bigyan ng U.S. immigration status ang mga miyembro nito.

“Ang plea agreement ay hindi nagbabasura sa anumang mga kaso,” sinabi sa Ingles ni Benjamin D. Lichtman, isang assistant attorney ng U.S. na kabilang sa nag-uusig sa kaso laban kay Quiboloy at sa kanyang mga kasama, sinabi sa VERA Files Fact Check sa isang email noong Okt. 25.

ANG KATOTOHANAN

Walang kaso ng human trafficking, forced labor at money laundering laban kay Dueñas sa U.S.

“Ang defendant na si Dueñas ay hindi kinasuhan ng anumang mabigat na kaso ng human trafficking, forced labor, o money laundering, bagama’t ang mga iyon ay nakalista sa akusasyon bilang mga object ng conspiracy count kung saan kinasuhan si Defendant Dueñas at lahat ng iba pang akusado,” sabi ni Lichtman.

Ayon kay Lichtman, sumang-ayon ang gobyerno ng U.S. na ibasura ang iba pang mga kaso laban kay Dueñas sa paghahatol sa kanya — kung hindi niya lalabagin ang plea agreement.

Noong Okt. 28, ang Facebook post ng umani SMNI ay umani ng kabuuang 3,240 reaksyon, 618 komento, at 76,000 plays, habang ang artikulo sa DZAR 1026 AM Radio website ng SMNI’ ay umani ng 1,700 views sa FB.