Nagsalita tungkol sa amnestiya ni Sen. Antonio Trillanes IV na pinawalang bisa kamakailan lamang, si Solicitor General Jose Calida ay idinawit ang senador sa rebelyon na hindi ito naging bahagi.
PAHAYAG
Sa isang press release na inilabas ng Office of the Solicitor General noong Setyembre 29, sinabi ni Calida na si Presidente Rodrigo Duterte ay “nagpapatupad lamang ng batas” nang kanyang ilabas ang Proclamation No. 572, na nagpapawalang-bisa sa amnestiya na ipinagkaloob ng nakaraang administrasyon kay Trillanes.
Nakasaad sa pahayag:
“Inilabas ng korte ang arrest order pagkatapos pirmahan ni Duterte noong Agosto 31, 2018, ang Proclamation No. 572, na binabawi ang amnestiya na ipinagkaloob kay Trillianes sa ilalim ng Proclamation No. 75 dahil sa kanyang paglahok sa Hulyo 27, 2003, Oakwood mutiny, Pebrero 2006 marine standoff, at Nobyembre 29, 2007, Peninsula Peninsula Hotel siege. “
Pinagmulan: Office of the Solicitor General, Calida: President Duterte merely performed the law in revoking Triallianes’ (sic) amnesty, Septiyembre 29, 2018
Binanggit din na sinabi ni Calida,
“Walang dokumento o rekord na nagpapakita sa kanyang pag amin ng pagkakasala o pagsasalaysay ng mga katotohanan sa kanyang paglahok o partisipasyon sa mga insidente ng Hulyo 27, 2003, Pebrero 2006, o Nobyembre 29, 2007.”
Pinagmulan: Office of the Solicitor General, Calida: President Duterte merely performed the law in revoking Triallianes’ (sic) amnesty, Septiyembre 29, 2018
Ang pahayag ay paulit-ulit na mali ang pagbaybay sa Trillanes bilang “Trillianes.”
Sinabi ni Pangulong Duterte na si Calida ang nanaliksik sa at nakatuklas ng mga mali sa amnestiya ni Trillanes.
FACT
Si Trillanes, isang dating opisyal ng Navy, ay hindi bahagi ng Peb. 26, 2006, Marine standoff.
Siya ay nasa detensyon nang panahong iyon, mula nang sumuko sa mga awtoridad pagkatapos ng Hulyo 27, 2003, Oakwood mutiny sa Makati. Si Trillanes ay kabilang sa 10 junior officers na ipinakulong ni dating Armed Forces chief Gen. Narciso Abaya noong Hulyo 31 sa Intelligence Service of the Armed Forces of the Philippines (ISAFP), at kalaunan inilipat sa isang Marine detention center sa Fort Bonifacio noong Hunyo 14, 2006.
Sa paglilitis ng Oakwood mutiny, noong Nobyembre 29, 2007, si Trillanes at mga 30 iba pang sundalo ay nag walk out sa pagdinig, nagpunta sa Peninsula Manila hotel, sa Makati rin, at nanawagan na patalsikin ang noo’y pangulong Gloria Macapagal-Arroyo.
Si Trillanes ay nasa detensyon nang may pito-at-kalahating taon. Pinalaya siya noong 2010 sa pamamagitan ng amnestiya na ibinigay ni dating pangulo Benigno “Noynoy” Aquino III.
Ang Proclamation No. 75, na pinirmahan ni Aquino noong Nobyembre 4, 2010, ay nagbigay ng amnestiya sa mga sundalo at sa kanilang mga tagasuporta na nakilahok sa mga nabigong kudeta noong 2003, 2006 at 2007 laban kay Macapagal-Arroyo.
Hindi bababa sa dalawang iba pang mga dokumento ng gobyerno ang nagsabi na si Trillanes ay kasangkot lamang sa dalawa sa tatlong rebelyon sa panahon ng panguluhan ni Arroyo.
Ang isang kopya ng DND Ad Hoc Resolution No. 2 – isang dokumento na binanggit din sa pahayag ng Calida – ay nagpapakita ng pangalan na “Ex-LTSG ANTONIO F TRILLANES IV O-11797 PN” para lamang sa mga hanay na nagpapahiwatig ng paglahok sa Oakwood mutiny at Peninsula Manila Hotel siege. Ang kahon para sa standoff ng Philippine Marines ay naiwang blangko. Inirekomenda ng dokumento ang aplikasyon para sa amnestiya ni Trillanes at 38 iba pang mga mutineers kay Aquino.
Ang Certificate of Amnesty, na inisyu ng Department of National Defense (DND) ang senador noong Enero 2011, ay nagsabi:
“Ito ay nagpapatunay na si Senador Antonio F. Trillanes IV ay binigyan ng amnestiya noong Enero 21, 2011, dahil sa kanyang partisipasyon/ paglahok sa Hulyo 27, 2003 Oakwood Mutiny at Nobyembre 29, 2007 Peninsula Manila Hotel Siege sa Makati City, alinsunod sa mga probisyon ng Presidential Proclamation Nr. 75 na inisyu noong Nobyembre 24, 2010 ng Kanyang Kamahalan, Pangulong Benigno S. Aquino III.”
Pinagmulan: ABS-CBN News online, Setyembre 5, 2018; Rappler, Setyembre 24, 2018
Noong Agosto 31, 2018, inilabas ni Duterte ang Proclamation No. 572 na nagdedeklara na ang pagbibigay ng amnestiya kay Trillanes “void ab initio” dahil hindi nagsumite si Trillanes ng application para sa amnestiya. Sinabi ng Malacanang na ang DND “ay walang kopya ng kanyang aplikasyon para sa amnestiya sa mga rekord,” at ang senador ay hindi umamin ng pagkakasala sa kanyang mga krimen.
Ang Makati Regional Trial Court Branch 150 noong Setyembre 25 ay itinuring na proklamasyon ni Duterte ay may “totoo at ligal na batayan,” pinananatili ang status quo at pinanghahawakan na si Trillanes ay nasa ilalim pa rin ng paglilitis para sa mga kasong rebelyon.
Nag piyansa si Trillanes ng P200,000 noong Hulyo 2010 nang umusad ang kaso, at kailangan itong gawin muli pagkatapos maaresto noong Septiyembre 25, kasunod ng pagpapawalang-bisa ng kanyang amnestiya. Siya ay nakatakdang humarap sa pangalawang pagdinig sa korte sa Biyernes, Oktubre 5, sa Makati RTC 148, para sa kasong kudeta.
Si Trillanes ay ang pangalawang senador ng oposisyon na inaresto sa ilalim ng pangangasiwa ni Duterte, matapos si Sen. Leila De Lima, na nakakulong sa Camp Crame mula pa noong Pebrero 2017 dahil sa pagkakasangkot umano sa iligal na droga.
Mga pinagkunan ng impormasyon:
ABS-CBN News online, LOOK: Amnesty documents of Trillanes, Sept. 5, 2018
CNN International, Philippine marines end protest, Feb. 27, 2006
GMA News Online, DND document certifies Trillanes applied for amnesty, Sept. 5, 2018
Inquirer.net, Court documents show cases vs Trillanes, et al. dismissed in 2011, Sept. 4, 2018
Department of National Defense, DND Ad Hoc Resolution No. 2
Official Gazette, Proclamation No. 572, s. 2018.
Official Gazette, Proclamation No. 75, s. 2010.
Philstar.com, Magdalo leaders transferred to Marine jail, June 15, 2006
Rappler, DOCUMENTS: DND confirms Trillanes applied for amnesty, Sept. 5, 2018
Rappler, Ex-DND panel chair, official tell courts: Trillanes applied for amnesty in 2011, Sept. 24, 2018
Supreme Court of the Philippines, Alejano v Cabuay, Aug. 25, 2005
