Matapos ang limang araw na pagkaantala, ang pinakahihintay na unang shipment ng 600,000 dosis ng bakunang Sinovac mula sa China ay dumating sa bansa noong Linggo, Peb. 28. Nauna nang sinabi ni Presidential Spokesman Harry Roque Jr. na “nakaukit na sa bato” ang delivery ng mga bakuna sa Peb. 23, ngunit naantala ito dahil gusto ng mga manufacturer ang isang indemnity agreement.
Sa huling dalawang linggo ng Pebrero, pinaspasan ng Kongreso ang isang panukalang batas na naglaan ng P500 milyon para sa isang National Vaccine Indemnity Fund. Noong Peb. 26, dalawang araw bago dumating ang mga bakunang donasyon ng China, nilagdaan ni Pangulong Rodrigo Duterte ang panukalang batas, na kilala ngayon bilang Republic Act 11525 o COVID-19 Vaccination Program Act of 2021.
Nauna nang sinabi ni vaccine czar Carlito Galvez Jr. na ang mga manufacturer ay nag-aalanganin sa pagsusuplay sa Pilipinas ng mga COVID-19 vaccine nang hindi nangangako ang gobyerno na babayaran ang sinumang maaaring makaranas ng serious adverse effects (SAE) matapos mabakunahan — isang resulta ng kontrobersya ng Dengvaxia.
Kung mayroong indemnity law, sinabi ni Galvez sa isang pagdinig sa Senado noong Peb. 11, ang mga bakuna ng Pfizer-BioNTech mula sa World Health Organization (WHO) COVAX facility, isang pandaigdigang pinagsama-samang procurement at distribution initiative para matiyak ang pantay na pag-access sa bakuna, darating sana sa bansa nang Peb. 12.
Binibigyang diin ang kahalagahan ng mekanismong ito, sinabi ng vaccine czar sa Ingles:
“Ang mga makabuluhang dami ay ibinigay ng COVAX at pati na rin ng manufacturer ng [bakuna] ay maaaring mahadlangan nang kawalan ng batas na ito ng pagbabayad-pinsala.”
Pinagmulan: Senate of the Philippines Official Youtube Channel, Committee on Finance (February 11, 2021), Peb. 11, 2021, panoorin mula 1:11:46 hanggang 1:11:57
Binanggit ng United Nations International Children’s Emergency Fund (UNICEF), isang COVAX partner, sa isang dokumento noong Oktubre 2020 na “ang lahat ng mga kalahok na naglaan ng mga bakuna sa pamamagitan ng COVAX ay kinakailangan na bayaran ang manufacturer para sa mga bakuna na ipinakalat sa kanilang teritoryo.”
Sa panayam noong Peb. 22, sinabi ni Cabinet Secretary Karlo Nograles na ang mga opisyal ng Palasyo ay “nasorpresa” sa “biglaang” pangangailangan ng isang kasunduan sa bayad-pinsala, at sila ay “may impresyon na hindi talaga ito isang kinakailangan.”
Sinabi ni Senate Minority Leader Franklin Drilon na ang mga senador ay sinabihan “kamakailan lamang” na kailangang ipasa ang isang indemnification law para makuha ang mga bakuna.
Sa ngayon, wala pa ring opisyal ng gobyerno na umaako ng maliwanag na pagkakaligta sa kinakailangang bayad-pinsala.
Ano ang vaccine indemnification fund at bakit ito mahalaga? Ano ang mga hakbang na ginawa ng gobyerno upang matugunan ang isyung ito?
Narito ang tatlong bagay na kailangan mong malaman:
1. Ano ang vaccine indemnification fund?
Ang vaccine indemnification fund ay tumutukoy sa paglalaan ng Kongreso ng P500 milyon mula sa P13-bilyong contingent fund ng pamahalaang pambansa sa 2021 General Appropriations Act upang “mabayaran ang sinumang nabakunahan sa pamamagitan ng COVID-19 Vaccination Program” sakaling humantong ito sa pagkamatay, permanenteng kapansanan, o pagkaka-ospital dahil sa anumang serious adverse effect.
Pangangasiwaan ng Philippine Health Insurance Corp. (PhilHealth) ang COVID-19 National Vaccine Indemnity Fund, na nilikha sa ilalim ng RA 11525 bilang isang trust fund. Ang ahensiya ay maaaring kumuha mula sa pondo upang mabayaran ang mga pasyente.
Bilang fund administrator, ang PhilHealth, sa konsultasyon sa Department of Health (DOH), Department of Finance (DOF), Department of Budget and Management (DBM), at National Task Force (NTF) on COVID-19, ay maglalabas ng mga alituntunin para sa pangangasiwa at paggamit, at matukoy ang kasapatan nito.
Para sa layuning ito, isang special task group ng mga medical at vaccine expert ang susubaybay sa “probable adverse events” na maaaring lumitaw kasunod ng inokulasyon ng COVID-19 vaccine. Ang grupo ay maglalabas ng mga alituntunin para sa pagsubaybay, pagsusuri, pagsisiyasat, at mekanismo ng pag-uulat para sa mga local government unit (LGUs).
Oobserbahan ng mga health worker ang mga taong nabakunahan sa loob ng 30 minuto hanggang isang oras para sa “hindi pangkaraniwang mga sintomas” o masamang epekto bago sila pauwiin, ayon sa National Deployment and Vaccination Plan for COVID-19 Vaccines.
Ang mga hindi magagandang reaksyon sa mga bakuna ay maaaring mangyari at maaaring “makitaan ng mga reactogenic na reaksyon hanggang sa mga allergic reaction,” sinabi ng allergist at clinical immunologist na si Rommel Lobo ng National Adverse Effects Following Immunization Committee (NAEFIC) ng DOH.
Ang mga nabakunahang Pilipino ay susubaybayan sa loob ng 12 buwan para sa mga posibleng side effect, ayon sa manggagamot na si Dominic Madumba ng Health Promotion Bureau ng Department of Health (DOH). Gayunpaman, sa Section 10 ng RA 11525 nakasaad na ang pagsubaybay ay gagawin sa loob ng limang taon, o hanggang sa ideklara ng gobyerno ang pagkumpleto ng programa sa pagbabakuna ng COVID-19, alinman ang mauna.
2. Bakit kailangan ng mga manufacturer ng bakuna ang mga kasunduan sa pagbabayad-pinsala? Bakit ito mahalaga?
Ang mga manufacturer ay humihingi ng mga indemnification agreement sapagkat ang mga COVID-19 vaccine ay “under development” pa at dahil sa emergency ang gamit ng mga jab, sinabi ni Health Undersecretary at Spokesperson Maria Rosario Singh-Vergeire sa isang press briefing noong Peb. 20. Ang mga naturang safeguard ay mahalaga upang “matugunan ang mga hindi inaasahang malubhang adverse event na may kaugnayan sa bakuna” na “walang katulad ang bilis at saklaw ng pag-deploy ng mga bakunang ito,” ayon sa Global Alliance for Vaccines and Immunizations (GAVI).
Binanggit din ni Vergeire na ang kawalan ng batas ng pagbabayad-pinsala sa Pilipinas ay naging isang sagabal sa negosasyon sa bakuna. Sinabi niya sa halong Ingles at Filipino:
“Ang ating pong sitwasyon ngayon, ang ibang bansa, mayroon silang batas na ito para sa pagbabayad-pinsala, na mayroon na ang mga bansang ito. Pero dito sa ating bansa po kasi, wala po tayong ganyang batas. Kaya mas mahirap po nating gawin iyong negosasyon sapagkat wala tayong batas na susuporta sa indemnification agreement na ito.”
Pinagmulan: PTV Philippines Official Youtube Channel, PANOORIN: Public Briefing #LagingHandaPH | February 20, 2021, Feb. 20, 2021, panoorin mula 44:04 hanggang 44:23
Samakatuwid, ang mga bansa na tatanggap ng mga bakuna mula sa COVAX facility, tulad ng Pilipinas, ay kinakailangan ding pirmahan ang mga indemnity agreement na may “ni-fault mechanism and fund” sa mga manufacturer ng bakuna upang makatanggap ng mga bakunang pinayagan para sa emergency use sa pamamagitan ng COVAX.
“Ang indemnification clause ay isang bagay na hinihingi ng mga manufacturer mula sa bawat bansa, anuman ang paraan ng pagbili nila kung direkta sa manufacturer […] o kung tatanggap sila ng mga bakuna sa pamamagitan ng COVAX facility o ilang ibang donor mechanism,” paliwanag ni WHO Representative to the Philippines Rabindra Abeyasinghe sa isang media briefing noong Peb. 23.
“Ang mga kinakailangan at pamantayang kasunduan ay karaniwan sa lahat ng mga bansa. Hindi ito tukoy sa Pilipinas lang at walang kinalaman sa anumang isyu na nangyari sa bansa na nauugnay sa Dengvaxia o anupaman,” paglilinaw ni Abeyasinghe sa Ingles sa parehong briefing.
Ang mga indemnification agreement kung saan pinananagot ang mga pambansang pamahalaan ay hindi bago.
Ang mga no-fault vaccine-injury compensation program ay matagal nang naisabatas sa 25 mga bansa, ayon sa isang pag-aaral sa global landscape ng naturang mga polisiya, na inilathala noong 2020.
Gayunpaman, natuklasan ng parehong pananaliksik na ang karamihan sa mga compensation program ay sumasaklaw sa mga kaso “mula sa mga bakuna na nakarehistro sa bansa at inirerekomenda ng mga awtoridad para sa regular na paggamit sa mga bata, mga buntis, matatanda, at para sa mga espesyal na indikasyon.”
Nagbigay ang Philippine FDA ng emergency use authorization (EUA) para sa mga bakunang Pfizer-BioNTech at AstraZeneca noong Enero.
Noong Peb. 22, binigyan ang Sinovac ng EUA — ngunit hindi para sa mga matatanda at mga health worker na may direktang pakikipag-ugnay sa mga pasyente ng COVID-19 — dahil nakita sa datos ng clinical trial na ang efficacy nito ay 50.4%, paliwanag ni FDA Director-General Eric Domingo sa isang press briefing.
Walang indemnification agreement ang pinirmahan para sa Sinovac, ayon kay Presidential Spokesperson Harry Roque. Gayunpaman, dahil sa indemnification law, ito ay “ipatutupad sa lahat ng mga bakuna,” dagdag niya.
3. Ano ang mga hakbang na ginawa ng gobyerno upang matugunan ang kawalan ng indemnity law?
Sa isang pagdinig sa Senado noong Enero 15, hinimok ni Health Secretary Francisco Duque III ang mga senador na isaalang-alang ang pagsasabatas, o isama sa Bayanihan 3 Act, ang pagtatatag ng isang indemnification fund para sa mga serious adverse event, kung mayroong “puwang ang pagsasabatas” upang maisama ang naturang probisyon.
Ang House Bill 8648 at ang Senate Bill 2057 ay inihain noong Peb. 8 at Peb. 16, ayon sa pagkakabanggit, upang mapabilis ang pagkuha ng mga bakuna sa COVID-19 at maitatag ng isang indemnification fund.
Ginawang urgent ni Pangulong Rodrigo Duterte ang parehong mga panukala, hinakbangan ang requirement na tatlong pagbasa ng isang panukalang batas na dapat gawin sa magkakahiwalay na araw.
Sa botong 22-0, inaprubahan ng Senado ang Vaccination Program Act of 2021 noong Peb. 23 na may isang susog na nagpapahintulot sa mga LGU na “direktang kumuha ng mga pandagdag na suplay at serbisyo na kinakailangan para sa pag-iimbak, transportasyon, development, at pangangasiwa ng mga COVID-19 vaccine sa pamamagitan ng negotiated procurement sa ilalim ng emergency cases.” Pinagtibay ng Kamara ang bersyon ng Senado ng panukalang batas upang mapabilis ang proseso ng pambatasan.
Matapos ang pagpapatupad nito noong Peb. 26, ang unang kargamento ng mga donasyong bakuna mula sa China ay dumating sa Maynila bago pa mailathala ang RA 11525 sa Official Gazette noong Marso 3.
Mga Pinagmulan
Presidential Communications Operations Office (PCOO), Arrival of Sinovac vaccines, a big step in overcoming pandemic, says President Duterte, Feb. 28, 2021
Presidential Communications Operations Office (PCOO), Spox Roque Virtual Press Briefing February 11, 2021, Feb. 11, 2021
GMA News Online, Roque says Dengvaxia gaffe pushed COVID-19 vaccine makers to insist on indemnity agreement, Feb. 19, 2021
Presidential Communications Operations Office (PCOO), Interview with Presidential Spokesperson Harry Roque by Tony Velasquez and Danny Buenafe – On the Spot/Teleradyo, Feb. 19, 2021
Presidential Communications Operations Office (PCOO), On COVID-19 Vaccination Program Act of 2021, Feb. 26, 2021
Official Gazette of the Philippines, Republic Act 11525, Feb. 26, 2021
RTVMalacañang Official Youtube Channel, Situation Briefing and Talk to the People on Typhoon ‘Rolly’ 11/2/2020, Nov. 2, 2020
PTV Philippines Official Youtube Channel, PANOORIN: Public Briefing #LagingHandaPH | February 17, 2021, Feb. 17, 2021
World Health Organization, COVAX: Working for global equitable access to COVID-19 vaccines, Accessed Feb. 11, 2021
Senate of the Philippines Official Youtube Channel, Committee on Finance (February 11, 2021), Feb. 11, 2021
United Nations International Children’s Emergency Fund (UNICEF), COVAX: ensuring global equitable access to COVID-19 vaccines, Accessed Feb. 26, 2021
United Nations International Children’s Emergency Fund (UNICEF), COVAX Facility Update, Oct. 30, 2020
One News PH Official Youtube Channel, AGENDA | February 22, 2021, Feb. 22, 2021
Philstar.com, Government didn’t know about indemnity requirement for vaccines — Palace official, Feb. 22, 2021
Inquirer.net, Pandemic managers raised urgency of indemnity law only in February – senators, Feb. 24, 2021
What is a vaccine indemnification fund?
- Department of Budget and Management, 2021 Contingent Fund, Accessed March 4, 2021
- Department of Health, The Philippine National Deployment and Vaccination Plan for COVID-19 Vaccines: Interim Plan, January 2021
- Official Gazette of the Philippines, Republic Act 11525, Feb. 26, 2021
Why do vaccine manufacturers require indemnification agreements?
- PTV Philippines Official Youtube Channel, PANOORIN: Public Briefing #LagingHandaPH | February 20, 2021, Feb. 20, 2021
- Asian Development Bank (ADB), ADB’s Support to Enhance COVID-19 Vaccine Access, December 2020
- Global Alliance for Vaccines and Immunizations (GAVI), About our Alliance, Accessed March 2, 2021
- PTV Philippines Official Youtube Channel, PANOORIN: Public Briefing #LagingHandaPH | February 20, 2021, Feb. 20, 2021
- World Health Organization, COVAX Statement on WHO Emergency Use Listing for AstraZeneca/Oxford COVID-19 Vaccine, Feb. 16, 2021
- Department of Health, Media Solusyon, Feb. 23, 2021
- World Health Organization (Western Pacific Philippines), WHO Representative in the Philippines: Dr. Rabindra Abeyasinghe, Accessed Feb. 25, 2021
- Public Library of Science One, Global landscape analysis of no-fault compensation programmes for vaccine injuries: A review and survey of implementing countries, May 21, 2020
- Philippine Food and Drug Administration, Emergency Use Authorization (EUA) for Pfizer-BioNTech COVID19 Vaccine Suspension for IM Injection, Jan. 14, 2021
- Philippine Food and Drug Administration, Emergency Use Authorization (EUA) for COVID-19 Vaccine (ChAdOx1- S[recombinant]) (COVID-19 Vaccine AstraZeneca), Jan. 28, 2021
- PTV Philippines Official Youtube Channel, WATCH: Press briefing with Presidential Spokesperson Harry Roque | February 22, 2021, Feb. 22, 2021
What happens after a person gets COVID-19 vaccine shots?
- Department of Health Official Facebook Page, DOH Beat COVID-19 Media Forum February 08, 2021, Feb. 8, 2021
- Department of Health Official Facebook Page, Town Hall on COVID-19 Vaccine Deployment with the Patient Groups, Feb. 23, 2021
What steps has the government taken?
- Senate of the Philippines Official Youtube Channel, Committee of the Whole (January 15, 2021), Jan. 15, 2021
- House of Representatives of the Philippines, HB 8648, Feb. 8, 2021
- Senate of the Philippines, Senate Bill 2057, Feb. 16, 2021
- Presidential Communications Operations Office, On the signing of the Memorandum Order exceeding the 15% limit on advanced payments and Certification of Urgency of the Vaccine Indemnification Bill, Feb. 18, 2021
- Senate of the Philippines, Legislative Process, Accessed Feb. 28, 2021
- Senate of the Philippines, COVID-19 VACCINATION PROGRAM ACT OF 2021, Accessed Feb. 25, 2021
Official Gazette of the Philippines, Republic Act 11525, March 3, 2021
(Ginagabayan ng code of principles ng International Fact-Checking Network sa Poynter, ang VERA Files ay sumusubaybay sa mga maling pahayag, flip-flops, nakaliligaw na mga pahayag ng mga pampublikong opisyal at kilalang personalidad, at pinasisinungalingan ang mga ito gamit ang tunay na ebidensya. Alamin ang inisyatibong ito at aming pamamaraan.)
