Mula sa pagdedeklara na siya ay “handang magsagawa ng isang affidavit” upang payagan ang pagbubukas ng kanyang mga bank account sa pagsisiyasat, bumaliktad si dating pangulong Rodrigo Duterte matapos ang mahigit tatlong oras at tumanggi na pumirma sa isang waiver, na may iba’t ibang mga kondisyon sa pagitan.
Sa unang pagkakataon na humarap sa quad committee ng House of Representatives noong Nob. 13, nangahas pa ang 79-anyos na si Duterte na “magbibigti ng sarili” sa harapan ng mga mambabatas “kung mayroong kaunting katotohanan” sa alegasyon ni dating senador Antonio Trillanes IV na ang kanyang mga bank account ay may mga deposito na umaabot sa P2.41 bilyon sa isang punto, marahil mula sa mga nalikom sa iligal na droga.
Basahin ang FACT CHECK: Duterte‘s joint bank account is with Sara, not his wife
Ang quad committee – na binubuo ng Committees on Dangerous Drugs, Public Accounts, Public Order and Safety, at Human Rights – ay nagsasagawa ng komprehensibong joint investigation sa posibleng koneksyon sa pagitan ng mga illegal Philippine offshore gambling operators (POGOs), illegal drugs, extrajudicial killings. (EJKs) at mga paglabag sa karapatang pantao sa takbo ng madugong drug war ng administrasyong Duterte.
PAHAYAG
Sa ika-11 na pagdinig ng quadcom, iniharap ni Trillanes ang mga ledger ng mga deposito umano sa mga bank account ng mga Duterte – ang dating pangulo, ang kanyang mga anak (Vice President Sara, Rep. Paolo, at Davao City Mayor Sebastian) at matagal nang partner na si Cielito Avanceña.
Bilang reaksyon sa pahayag ni Trillanes na “hindi maikakaila” ang nilalaman ng mga ledger dahil may mga pisikal at soft copy ang bangko nito, sinabi ni Duterte:
“I‘m willing to execute an affidavit, or kayo na lang, to summon the banks, pursuant to my waiver. Kung may totoo lang maski isa, I will hang myself in front of you… I will sign a waiver; all banks, pati ‘yung world bank ng America. Kung may isang totoo lang, katiting, I will resign and I will ask my daughter to resign and everybody in the family. That is my guarantee, and I will hang myself.”
(“Pumapayag ako na gumawa ng isang affidavit, or kayo na lang, tawagin ang mga bangko, alinsunod sa waiver ko. Kung may totoo lang maski isa, magbibigti ako sa harp ninyo… pipirma ako ng waiver; lahat ng bangko, pati ‘yung world bank ng America. Kung may isang totoo lang, katiting, magbibitiw ako at sasabihan ko ang anak kong babae na magbitiw at lahat sa aking pamilya. Iyan ang garantiya ko, at magbibigti ako.”)
Pinagmulan: House of Representatives, ELEVENTH PUBLIC HEARING OF THE HOUSE QUAD-COMMITTEE – PART 2, Nob. 13, 2024, panoorin mula 32:41 hanggang 33:29
ANG KATOTOHANAN
Nang pilitin ng mga mambabatas si Duterte na pirmahan ang waiver habang nagpapatuloy ang pagdinig, nagsimula siyang magbigay ng iba’t ibang kundisyon – mula sa payagan [siya] na sampalin si Trillanes hanggang sa pagbigti sa sarili kasama ang dating senador, hanggang sa pagsasabing ito ay joint account sa kanyang asawa, na kinakailangang may pahintulot para mabuksan ang account.
BACKSTORY
Noong Abril 28, 2016, itinanggi ni Duterte ang pagkakaroon ng joint account sa kanyang anak na babae sa Julia Vargas branch ng Bank of the Philippine Islands sa Pasig City.
Basahin ang The evolution of Duterte‘s BPI account
Nang magdeposito ang isang kaibigan ng VERA Files ng P500 sa sangay ng BPI sa Alabang Town Center, ipinakita sa deposit slip sina Rodrigo Roa Duterte at Sara Z Duterte bilang mga may-ari ng account.
