VERA FILES FACT CHECK: Pahayag ni Janette Garin na ‘wala kahit isa ang binawian ng buhay’ sa kampanya kontra droga ni Marcos NAKAPANLILIGAW
Iniulat ng Philippine Drug Enforcement Agency noong Oktubre 9 na bumaba ang bilang ng mga nasawi sa anti-drug operations ng ahensya mula 40 noong 2020 - 2021 hanggang 19 noong 2022 - 2023. Bukod dito, ang Dahas Project ng UP Third World Studies Center, na sumusubaybay sa mga pagkamatay na may kaugnayan sa droga sa bansa, ay nagtala ng 438 na pagpatay na may kaugnayan sa droga mula Hunyo 30, 2022 hanggang Oktubre 15, 2023. Ayon sa database nito, 195 sa mga ito ay may kinasasangkutan ng mga ahente ng estado at 145 ay may "hindi kilalang" mga salarin na nananatili malaya.
