Social media ang pangunahing tulay ng halos dalawang milyong overseas Filipino workers sa kanilang pamilyang naiwan dito sa Pilipinas, at dito rin sila kumukuha ng balita.
Pero sa social media, naglipana ang maling impormasyon, tsismis, intriga at iba pang klase ng disinformation. Marami tuloy ang nalilito, naguguluhan, at marami ring napaniniwala.
Sa pang-apat na episode ng #WhatTheF?! podcast ng VERA Files, kasama natin si Eman Villanueva, lider ng mga grupong nagsusulong sa karapatan ng OFWs sa Hong Kong. Hihimayin niya ang naging epekto ng disinformation sa OFWs sa Hong Kong nitong nakaraang eleksyon at kung paano mapipigil ang pagkalat nito:
