Archive - Ano Raw

May chain message na kumakalat ngayon sa TikTok at Facebook na nagbababalang guguho ang SM MOA dahil sira na ang pundasyon nitong nakalubog sa tubig. Hindi ito totoo.

Dalawang pekeng Facebook page ang nag-post na naglilinis ng bodega ang NAIA at nagbebenta raw ng mga maletang hindi nakuha. Hindi ito totoo.

Isang picture na kumakalat sa Facebook ang nagsasabing nagbukas daw ng application ang Commission on Higher Education (CHED) para sa college scholarship. Peke ito. Ang CHED scholarship application ngayong taon ay natapos na noong pang May.

May chain message na kumakalat sa Facebook na nagbababalang patayin ang cell phone sa gabi para makaiwas sa nakamamatay na radiation. Hindi ito totoo.

Buhay na buhay si De Lima at masigasig pa ngang nakipagtutulungan sa ICC para imbestigahan ang drug war ni Duterte.

May impostor na Facebook page na ginagamit ang pangalan ng cardiologist na si Willie Ong para mag-endorso ng hindi aprubadong brand ng apple cider gummies. Pekeng ad ito.

May mga Facebook netizen na nagshe-share ng litratong nagsasabing nagdagdag ng Grade 13 ang DepEd. Hindi totoo ito at napasinungalingan na noon pang 2020.

Isang YouTube video ang nagpapakita umano ng mga jet na ipinadala raw ng Japan sa West Philippine Sea para suportahan ang Pilipinas. ‘Di ito totoo.

Peke ang mga “DSWD” website na nangangako ng ayuda para sa mga walang trabaho.

Isang pekeng “ulat” ang nagsasabing binugbog daw si Doc Willie Ong sa isang live TV show. Modus ito para magbenta ng isang produkto.

Isang YouTube video ang nagsasabing makakukuha ang mga SSS pensioner ng dagdag na P1,000 kasabay ng kanilang 13th month pension. Mali ito.

Kumakalat sa FB ang isang babala sa pagkain ng isda dahil itinapon daw sa dagat ng isang ospital sa Mindanao ang mga test tube na ginamit sa mga may HIV. Hindi ito totoo.

Isang Pinoy Facebook netizen ang nag-upload ng video ng eroplanong pandigma raw ng Iran na pinupuntirya ang Israel dahil sa lalo pang lumalalang giyera ng Israel at Hamas. Kasinungalingan ang video.

Isang compilation video ng mga wildfire sa Argentina ang ini-upload sa Facebook at TikTok para ipagmukhang mga eksena sa patuloy na giyera ng Israel at Hamas.

May mga video na kumakalat online na nagsasabing ipinababawi ng gobyerno ang lupang tinitirahan ng Socorro Brigade Services Inc. sa Surigao del Norte at nagpadala ng mga sundalo roon. Nakapanliligaw ang mga ito.

Isang video ang nagsasabing nagpaputok ng mga warning shot ang mga barko ng Pilipinas laban sa Chinese Navy habang papalapit sila sa Subic Bay noong Oct. 20. Walang patunay na nangyari ito.

Hindi nagbebenta ng GT20 Ultra smartwatch ang Apple o Power Mac Center. Ang smartwatch ng Apple ay tinatawag na Apple Watch.

Isang Facebook page ang gumamit ng vlog ni Doc Liza Ramoso-Ong para magbenta ng pampatak sa tenga na nakapagpapagaling daw ng mga sakit sa loob ng ilang linggo lamang.

Isang YouTube video ang nagsasabing aatakehin ng Hamas ang Pilipinas, sa kasagsagan ng patuloy na armadong tunggalian ng grupo at ng Israel. Hindi ito totoo.

Isang website na gumagaya sa The Manila Times ang nag-post ng kuwentong nag-eendorso ng isang cryptocurrency trading program na inirerekomenda raw ni dating Financesecretary Carlos Dominguez III. Peke ito.

Ilang FB page at group na gumagaya sa DSWD ang nag-upload ng mga listahan ng mga napiling beneficiary at online registration daw para scholarship program ng ahensya. Peke ang mga ito.

Isang video ang nagsasabing isang komander ng Japanese Navy ang nagbanta ng digmaan kung hindi susundin ng China ang mga batas pandagat. Hindi ito totoo.

Isang YouTube video ang nagsasabing pumirma ng mutual defense treaty ang Pilipinas at Canada. Mali ito.

Isang video ang nagsasabing inutos ng Senado na ipasara ang Philippine Charity Sweepstakes Office (PCSO). Hindi ito totoo.

Maraming YouTube video ang nagsasabing inutos ni Pangulong Bongbong Marcos na tanggalin sa Senado, ipakulong o paalisin sa Pilipinas si Sen. Robin Padilla. Hindi totoo ang mga ito.  

Inedit ng isang YouTube channel ang tatlong litrato ng mga barko ng Chinese Coast Guard para pagmukhaing nawasak ang mga ito ng hindi matukoy na sandata.

Isang YouTube video ang nagsasabing si Pangulong Bongbong Marcos at ang Senado ay pinatawan ng parusang kamatayan si France Ruiz. Walang legal na kakayahan ang pangulo o Senado na gawin ito.

Kumalat sa YouTube at Facebook ang isang video na nagsasabing para magpakita ng lakas ang Amerika, nagpalipad ito ng bomber planes sa himpapawid ng Tsina. Hindi ito totoo.

Ilang netizen ang nagpakalat ng video ng pagsabog daw ng Bulkang Taal noong Sept. 21. Hindi ito totoo. 

Isang vlogger ang nagpapakalat ng mapanlinlang na impormasyon tungkol sa papel na ginampanan nina dating pangulong Ferdinand Marcos Sr. at dating senador Ninoy Aquino sa kasaysayan ng Pilipinas.