Sa pagtugon sa mga tanong mula sa isang panel ng mga independiyenteng eksperto sa karapatang pantao sa ika-136 na sesyon ng United Nations Human Rights Committee sa Geneva noong Oktubre 11, sinabi ni Justice Secretary Jesus Crispin “Boying” Remulla na ang ABS-CBN ay “hindi isinara” ngunit tinanggihan lamang na bigyan ng isang bagong prangkisa. Ito ay nangangailangan ng konteksto.
PAHAYAG
“Hindi ipinasara ang ABS-CBN News … ang nangyari dito ay hindi nila natugunan ang mga kinakailangan ng Kongreso para sa pagbibigay ng prangkisa. Ang mga paglabag ng ABS-CBN ay tinukoy ng komite ng kongreso sa pamamagitan ng isang technical working group, at pinagbotohan ng 70-11 … Walang isinarang anumang organisasyon ng media. Nagkaroon lang ng pagtanggi na magbigay ng prangkisa dahil ang prangkisa ay isang pribilehiyo.”
Pinagmulan: United Nations TV Geneva, 3920th Meeting, 136th Session, Human Rights Committee (CCPR), Oktubre 11, 2022, panoorin mula 02:30:19 hanggang 02:31:22
ANG KATOTOHANAN
Totoong tinanggihan ng House Committee on Legislative Franchises, na kinabibilangan ni Remulla at 69 na iba pang mambabatas, ang pag-renew ng prangkisa ng ABS-CBN noong Hulyo 10, 2020 sa botong 70 – 11. Ngunit nangyari ito dalawang buwan matapos mawala sa ere ang ABS-CBN noong Mayo 5, 2020, isang araw matapos maglabas ang National Telecommunications Commission (NTC) ng cease-and-desist order sa network nang mag-expire ang 25-taong legislative franchise nito.
Dahil walang prangkisa, napilitan ang network na sumubok ng iba pang mga platform na hindi nangangailangan ng lisensya ng gobyerno tulad ng pag-stream ng mga palabas at programa ng balita nito sa YouTube, pakikipag-partner sa ZOE Broadcasting Network, Inc. upang maipalabas ang mga programa nito sa ZOE TV Channel 11 noong 2020, at pagpapalabas ng anim na entertainment shows sa TV5 Network, Inc. sa pamamagitan ng deal noong 2021.
Sinabi ng network sa isang pahayag noong Hulyo 2020 na kailangan nitong ihinto ang operasyon ng ilan sa mga negosyo nito at gawin ang “mahirap at masakit na desisyon” na tanggalin ang humigit-kumulang 11,000 manggagawa. (Basahin: VERA FILES FACT SHEET: Ano ang susunod para sa ABS-CBN matapos mawala ang prangkisa?)
Sa dalawang araw na pagpupulong ng UN Human Rights Committee, gumawa si Remulla ng dalawa pang hindi tumpak na tugon. Noong Oktubre 10, ang kanyang pahayag na ang red-tagging ay isang paraan lamang ng pagpuna sa mga kritiko ng gobyerno ay nakaliligaw. Noong Oktubre 11, hindi niya sinama ang isang mahalagang konteksto sa paggigiit na wala nang hurisdiksyon ang ICC sa Pilipinas. (Tingnan ang VERA FILES FACT CHECK: Pagbibigay-katwiran ng Justice Secretary sa red-tagging ng gobyerno nakaliligaw at VERA FILES FACT CHECK: Sa pangalawang pagkakataon, pahayag ng Justice secretary sa hurisdiksyon ng ICC sa PH nangangailangan ng konteksto)
BACKSTORY
Dalawang taon matapos itong pagkaitan ng bagong prangkisa, iginawad ng NTC ang dating airwaves ng ABS-CBN sa Advanced Media Broadcasting System, isang kumpanya ng media na pag-aari ng business tycoon na si Manny Villar, isang kaalyado sa pulitika ni dating pangulong Rodrigo Duterte at kasalukuyang Pangulong Ferdinand Marcos Jr.
Noong Agosto ng taong ito, nagplano ang ABS-CBN ng isang “landmark” deal para makuha ang 34.99% ng kabuuang voting at outstanding capital stock ng TV5 Network, Inc. sa halagang P2.16 bilyon. Gayunpaman, nagkasundo ang dalawang partido na wakasan ang kasunduan wala pang isang buwan pagkaraan ng pahayag ng NTC at mga mambabatas ng mga alalahanin tungkol sa partnership.
Dahil sa mga ulat na ang network ay pumirma ng mga kasunduan sa mga cable network na Discovery Asia at Asian Food Network para sa probisyon ng nilalaman, iminungkahi ni Cavite Rep. Elpidio Barzaga Jr., vice chair ng legislative franchises committee, noong Oktubre 18 na muling buksan ang imbestigasyon sa ABS-CBN para alamin kung nakagawa na ito ng pagtatama sa mga sinasabing paglabag o pag-iwas sa pagsunod sa batas.
Basahin ang mga katulad na pahayag tungkol sa ABS-CBN mula sa iba pang mga public figure na pinabulaanan ng VERA Files Fact Check:
- VERA FILES FACT CHECK: Mga nakaraang pahayag ni Duterte pinasisinungalingan ang sinabi ni Roque na ‘neutral’ ang presidente sa isyu ng ABS-CBN
- VERA FILES FACT CHECK: Duterte mali sa pahayag na ‘lumabag’ sa pagbabayad ng buwis ang ABS-CBN
- VERA FILES FACT CHECK: VP bet Sara Duterte hindi makikialam sa pag-renew ng prangkisa ng ABS-CBN nangangailangan ng konteksto
- VERA FILES FACT CHECK: Pahayag ng SolGen na ‘lumabag” ang ABS-CBN sa pagbabawal sa foreign ownership nangangailangan ng konteksto
- VERA FILES FACT CHECK: Gadon mali sa pagsabing tinanggihan ng SC ang petisyon ng ABS-CBN para sa TRO
- VERA FILES FACT CHECK: NTC biglang umurong sa prangkisa ng ABS-CBN
- VERA FILES FACT CHECK: Marcoleta mali sa pagsabing ‘itinago’ ng ABS-CBN ang mga babayarang buwis sa pamamagitan ng subsidiary company na Big Dipper
Nakakita ka na ba ng anumang kahina-hinalang pahayag, larawan, meme, o online post na gusto mong i-verify namin? Sagutan ang reader-request form na ito.
Mga Pinagmulan
United Nations TV Geneva, 3920th Meeting, 136th Session, Human Rights Committee (CCPR), Oktubre 10, 2022
Sa mga boto ng House laban sa franchise renewal
- ABS-CBN News, House committee denies ABS-CBN a new franchise, Hulyo 10, 2020
- CNN Philippines, House panel denies ABS-CBN’s bid for fresh franchise, Hulyo 10, 2020
- Business Mirror, House panel votes 70-11 against ABS-CBN franchise application, Hulyo 10, 2020
Sa pagkawala sa ere ng ABS-CBN
- ABS-CBN News, ABS-CBN to go off air in compliance with NTC order, Mayo 5, 2020
- CNN Philippines, ABS-CBN goes off air following NTC order, Mayo 5, 2020
- Inquirer.net, ABS-CBN goes off the air, May 5, 2020
- Supreme Court of the Philippines E-library, G.R. No. 252119, Agosto 25, 2020
Sa ibang platforms ng ABS-CBN
- ABS-CBN Corporation, ABS-CBN makes digital pivot, offers more online streaming, Hulyo 31, 2020
- ABS-CBN Corporation, ABS-CBN shows to air on Zoe’s new A2Z channel 11, Oktubre 6, 2020
- ABS-CBN Corporation, TV5 to air four ABS-CBN Entertainment primetime programs, Marso 5, 2021
ABS-CBN News, READ: ABS-CBN statement on layoff of workers, Hulyo 15, 2020
Sa Advanced Media Broadcasting System
- Inquirer.net, Billionaire Manny Villar to become next media tycoon after taking over ABS-CBN frequencies, Enero 25, 2022
- Philstar.com, ABS CBN frequencies suddenly transferred to Manny Villar, Enero 26, 2022
- Forbes, Philippines’ Richest Man Manuel Villar Takes Over ABS-CBN’s TV Channel Frequencies, Enero 26, 2022
Sa terminated deal sa TV5 Network
- ABS-CBN Corporation, ABS-CBN and TV5 announce landmark deal, Agosto 11, 2022
- Inquirer.net, ABS-CBN, TV5 Network terminate deal, Setyembre 1, 2022
- TV5 News, IRONING OUT | TV5, ABS-CBN hit pause on investment deal to respond to issues, Agosto 24, 2022
- ABS-CBN News, NTC: ABS-CBN, TV5 need gov’t clearances before approval of investment deal, Agosto 24, 2022
- Business World Online, ABS-CBN, TV5 ‘pause’ partnership to face concerns, Agosto 25, 2022
- Business Mirror, ABS-CBN, TV5 pause deal as solons question tie-up, Agosto 24, 2022
Sa panukala ni Cavite Rep. Barzaga
- ABS-CBN Corporation, ABS-CBN brings more Filipino lifestyle content to Asia via Discovery Asia and Asian Food Network, Oktubre 6, 2022
- Inquirer.net, Solon wants Congressional probe on ABS-CBN’s alleged violations reopened, Oktubre 18, 2022
- CNN Philippines, Lawmaker wants to reopen probe on ABS-CBN’s alleged violations, Oktubre 18, 2022
- Philstar.com, Cavite rep seeks revival of House probe into alleged ABS-CBN violations, Oktubre 18, 2022
(Ginagabayan ng code of principles ng International Fact-Checking Network sa Poynter, ang VERA Files ay sumusubaybay sa mga maling pahayag, flip-flops, nakaliligaw na mga pahayag ng mga pampublikong opisyal at kilalang personalidad, at pinasisinungalingan ang mga ito gamit ang tunay na ebidensya. Alamin ang inisyatibong ito at aming pamamaraan.)
Read other interesting stories:
Click thumbnails to read related articles.
