Archive - Fact Check Filipino

Dalawang beses nag-share noong Setyembre ng isang binago at maling bersyon ng report ng GMA News News Online si Margaux "Mocha" Uson, ang bagong itinalagang Deputy Executive Director ng Overseas Workers Welfare Administration.

Hindi totoo ang sinasabi sa isang Facebook post ng isang Filipino netizen tungkol sa umano’y paggamit ng karne ng ahas bilang sangkap sa maraming pagkaing ibinebenta sa kalye. Ang mga litrato na ginamit sa post ay hindi sa Pilipinas o para sa paggawa ng pagkaing ibinebenta sa kalye. Ang isang parehong kuwento ay napasinungalingan na sa Thailand.

Sa utos ni Pangulong Rodrigo Duterte, 10 mga high-profile na bilanggo sa New Bilibid Prison (NBP) sa Muntinlupa ay inilipat sa Philippine Marine Barracks sa Fort Bonifacio, Taguig City dahil sa "banta sa kanilang seguridad."

Nagbitaw ng tatlong maling pahayag si Ronald Cardema, ang tinanggalan na karapatan na maging nominado ng Duterte Youth party-list at dating pinuno ng National Youth Commission, sa kanyang Notice of Withdrawal na isinumite sa Commission on Elections (Comelec) noong Set. 13.

Mula sa kanyang limang araw na opisyal na pagbisita sa China, si Pangulong Rodrigo Duterte ay nagpalit ng posisyon – mula sa "gagamitin" naging "huwag pansinin" ang makasaysayang panalo ng Pilipinas sa pinagtatalunang teritoryo sa South China Sea sa Permanent Court of Arbitration (PCA).

Mali si Metropolitan Manila Development Authority (MMDA) spokesperson Assistant Secretary Celine Pialago sa pagsabing walang naitayo na anumang imprastraktura o ginawang paraan ang gobyerno para malutas ang matinding trapiko sa Metro Manila sa nakaraang 40 taon. Ang MMDA mismo ay itinatag 24 taon na ang nakalilipas upang matugunan iyon.

Nagbago ng paninindigan si Iloilo 1st district Rep. Janette Garin sa bisa ng programa ng Department of Health (DOH) kontra dengue na tinatawag na Enhanced 4S Strategy. Mula sa pagtaguyod nito bilang "susi" laban sa pagkalat ng dengue noong siya ay health secretary, si Garin ngayon ay naniniwala na bahagya lamang ang epekto ng estratehiya.

Mula sa pagtawag kay Pangulong Rodrigo Duterte na isang coddler ng New People’s Army (NPA), si retiradong Maj. Gen. Jovito Palparan Jr., na nahatulan sa pag-kidnap at serious illegal detention, ay "naniniwala" ngayon na si Duterte ang nag-iisang pangulo na maaaring "magtapos" sa paghihimagsik ng komunista sa bansa.

Isang video na nakakuha na ng higit sa 130,000 views ang pinagsama ang mga totoo at maling impormasyon tungkol sa ginagawang muling pagbilang ng boto sa pagitan nina Vice President Leni Robredo at dating senador Ferdinand "Bongbong" Marcos Jr.

Itutuloy ng Department of Justice (DOJ) sa Set. 6 ang paunang pagsisiyasat sa patung-patong na kasong isinampa ng Philippine National Police-Criminal Investigation and Detection Group (PNP-CIDG) laban kay Vice President Leni Robredo at 37 iba pa.

Isang debate sa pagpapatupad ng isang batas na nagdadagdag sa good conduct time allowance (GCTA) ng mga bilanggo ang naganap matapos ang naunang ulat na malapit nang lumaya ang nahatulang rapist-murderer na si dating Calauan Mayor Antonio Sanchez. Una nang kinilala ng Justice Department at Bureau of Corrections (BuCor) si Sanchez bilang isa sa 11,000 mga bilanggo na maaaring makalaya sa bilangguan sa susunod na dalawang buwan.

Isang samahan ng mga Tsino, sa paghingi ng paumanhin na ipinaabot sa Department of Foreign Affairs (DFA) bunga ng insidente noong Hunyo 9 kung saan isang barkong Tsino ay napalubog ang isang bangka ng mga mangingisda mula sa Pilipinas, ay mali sa pagsasabi na ang Reed Bank, na lokal na kilala bilang Recto Bank, ay bahagi ng Nansha Island Group.