Archive - Ano Raw

Namimigay raw ang CHED ng monthly allowance sa mga estudyante sa lahat ng antas kung sasagot sila ng isang online form. Peke ang mga ito.

May kumakalat na social media post tungkol sa pag-suspend daw ng Department of Trade and Industry sa lahat ng vape brands maliban sa X-Vape. Peke ito.

Peke ang kumakalat na video na pinalalabas na sinabi ni Ferdinand Marcos Sr. na namatay sa London ang anak niyang lalaki.

May ipinakakalat na video ni Pampanga Rep. Gloria Macapagal-Arroyo na kinokoronahan si Pastor Apollo Quiboloy. Kailangan nito ng konteksto.

Hindi totoong ginawang zero ang budget ng Office of the Vice President para sa 2025.

Isang video ng mga Katolikong pauwi matapos umattend ng misa ni Pope Francis sa East Timor ang inedit para magmukhang pro-Duterte rally.

May kumakalat na video ni Pangulong Bongbong Marcos kung saan inamin niya raw na hindi siya ang totoong Ferdinand Marcos Jr. Kailangan nito ng konteksto. Ang video ay lumang interview kung saan pinasinungalingan niya ang chismis bilang “urban legend” o gawa-gawang kuwento.

AI-generated ang video na nagpapakitang niyakap nina DILG Secretary Benhur Abalos at PNP Chief Rommel Marbil si Alice Guo.

May Facebook post na nagsasabing tinanggal ang boxing sa 2028 Olympics. Kailangan nito ng konteksto.

May text message na nagsasabing lahat ng Pilipino ay may ayudang P5,000 hanggang P8,000 galing sa DSWD at DILG. Walang ganitong programa ang gobyerno.

Nagpost ang isang FB page ng ad raw nina Karen Davila at Doc Willie Ong para sa isang lunas sa sakit na prostitis. Peke ito at manipulado gamit ang AI.

Isang impostor ng Super8 grocery sa FB ang nanloko ng mga netizen. Namimigay raw ito ng gift bag, cellphone at voucher dahil anniversary ng kumpanya. Peke ito.