Archive - Fact Check Filipino

Sinalungat ni Executive Secretary Victor Rodriguez ang isang anunsyo ni Press Secretary Trixie Cruz-Angeles noong Agosto 12 na si Leocadio Sebastian, sa kaniyang sulat kay Pangulong Ferdinand Marcos Jr., ay nagbitiw bilang undersecretary at chief of staff ng Department of Agriculture (DA). Ito ay nangangailangan ng konteksto.

Sa pag-update sa status ng pagpapatupad ng patakarang nag-aatas sa mga alagad ng batas na magsuot ng body camera sa mga operasyon ng pulisya, sinabi ni Interior Secretary Benjamin “Benhur” Abalos Jr. na ito ay “ipinag-uutos ng batas.” Ito ay nangangailangan ng konteksto.

Sa pagpapahayag ng kaniyang suporta sa isang panukalang batas na nag-uutos sa pagpaparehistro ng mga Subscriber Identification Module (SIM) card, iginiit ni Sen. Ronald “Bato” Dela Rosa na ang panukala ay makatutulong sa pagpigil sa krimen. Ito ay hindi totoo.

Sa pag-apela kay Pangulong Ferdinand Marcos Jr. na humingi ng kapatawaran para kay Mary Jane Veloso, isang overseas worker mula sa Nueva Ecija na nasa death row sa Indonesia dahil sa pagpuslit ng heroin sa bansang iyon, sinabi ng kanyang ama na si Cesar na hindi nakatulong ang dalawang naunang presidente sa kaso. Ito ay hindi totoo.

Isang infographic na iniuugnay sa Bani Municipal Police Station sa Pangasinan ang nagsasaad na ang pagmumura ay "ipinagbabawal" at "may parusa" sa ilalim ng Safe Spaces Act. Ito ay hindi totoo.

Pinag-iisipan ng Kongreso ang pagpapaliban sa ikatlong pagkakataon ng halalan para sa mga opisyal ng barangay at Sangguniang Kabataan sa kabila ng pagtitiyak ng Commission on Elections sa kahandaan nitong idaos ang eleksyon ayon sa nakatakdang petsa sa Disyembre 5 ngayong taon.

Binawi ni Social Welfare Secretary Erwin Tulfo ang kanyang unang anunsyo na ang mga benepisyaryo ng Pantawid Pamilyang Pilipino Program (4Ps) ay karapat-dapat na makatanggap ng tulong pang-edukasyon sa ilalim ng Assistance to Individuals in Crisis Situation (AICS) program ng kanyang tanggapan.

Sa isang privilege speech sa House of Representatives noong Ago 15, inulit ni SAGIP Party-list Rep. Rodante Marcoleta ang tatlong maling pahayag tungkol sa broadcasting network na ABS-CBN.

Sinabi ni Justice Secretary Jesus Crispin “Boying” Remulla sa isang press conference noong Ago 3 na hindi maaaring magpataw ng parusa ang International Criminal Court (ICC) sa mga aktibidad sa Pilipinas dahil hindi na state party ang bansa sa Rome Statute noong 2019.

Sinabi ni Sen. Imee Marcos na si Pangulong Ferdinand Marcos Jr. ay nag-"veto spree" ng mga panukalang batas dahil sa "hindi pagkakaunawaan sa pagitan ng lehislatura at Malacañang." Ito ay nangangailangan ng konteksto.

Sa pagsusulong ng panukalang batas na magbabalik ng parusang kamatayan para sa malakihang ilegal na trafficking ng droga, sinabi ni Sen. Ronald “Bato” Dela Rosa na ang lethal injection ay ang “universally accepted” na paraan ng parusang kamatayan. Mali ito.

Gumawa ng mga maling pahayag ang hepe ng forensic laboratory sa Public Attorney’s Office (PAO) tungkol sa isang klinikal na pag-aaral noong 2014 sa bakunang Dengvaxia habang nananawagan ang mga lokal na awtoridad sa kalusugan para sa pagrepaso sa mga ebidensya sa mga inoculation laban sa dengue fever.

Bumoto si Pangulong Ferdinand "Bongbong" Marcos, Jr. ng pabor sa pagpasok ng Pilipinas sa International Criminal Court (ICC) noong siya ay senador noong 2011. Bilang head of state ngayon, idineklara niya noong Ago 1 na hindi na muling sasali ang bansa sa korte na nakabase sa The Netherlands matapos mag-withdraw noong 2018.

Nang naitala ng Pilipinas ang unang kaso ng monkeypox, sinabi ni Presidential Press Secretary Trixie Cruz-Angeles na ang sakit ay "hindi partikular na nakamamatay." Ito ay nangangailangan ng konteksto.

Sa panayam sa Headstart ng ANC noong Hulyo 18, sinabi ni Sen. Ronald “Bato” Dela Rosa na hindi kailanman ipinag-utos ni dating pangulong Rodrigo Duterte ang pagpatay sa sinumang sangkot sa droga. Ito ay hindi totoo.

Sa isang live video na na-upload noong Hulyo 10, sinabi ng vlogger at social media personality na si Sass Rogando Sasot ang maling pahayag na sinolo ng Angat Buhay NGO, na itinatag ni dating vice president Leni Robredo, ang kredito sa relief efforts kasunod ng landslide sa Ifugao.

Sa paghimok sa gobyerno na balikan ang patakaran ng paggamit ng dengvaxia vaccine laban sa dengue sa gitna ng tumataas na kaso ng sakit sa bansa, sinabi ni Iloilo Rep. Janette Garin na ang impeksyong dala ng lamok ay “ginawa at natuklasan” sa Pilipinas. Ito ay hindi napatunayan.

Iginiit ni vaccine czar Carlito Galvez Jr., pinuno ng National Task Force Against COVID-19, na nakamit ng gobyerno ang layunin nitong ganap na mabakunahan ang 70 milyong Pilipino laban sa sakit na coronavirus bago matapos ang termino ni Pangulong Rodrigo Duterte noong Hunyo 30. Ang pahayag na ito ay nangangailangan ng konteksto.

Anim na taon matapos ang tagumpay ng Pilipinas sa arbitral tribunal laban sa China tungkol sa South China Sea, marami pa ring mis- at disinformation ang kumakalat tungkol dito.

Ilang Facebook (FB) pages at grupo, kabilang ang opisyal na account ni Sen. Robin Padilla, ang nagpasa ng litratong nagpapakita kay dating pangulong Rodrigo Duterte na nagre-relax sa labas ng kanyang tahanan sa Davao City, pagkatapos umano bumaba sa puwesto noong Hunyo 30. Ito ay nakaliligaw.

Sa isang pahayag sa media noong Hulyo 5, sinabi ni Negros Oriental Rep. Arnolfo Teves Jr. na naghain siya noong Hunyo 30 ng panukalang batas na nagmumungkahi na palitan ang pangalan ng Ninoy Aquino International Airport (NAIA) at gawing Ferdinand E. Marcos Sr. International Airport. Binigyan-katwiran niya ang panukala sa pamamagitan ng pagsasabing "ginawa" ang paliparan sa ilalim ng administrasyon ng yumaong diktador. Ito ay nakaliligaw.

Sakaling mabigo ang Pilipinas na makabuo ng mas malaking supply ng kuryente sa gitna ng inaasahang pagkaubos ng Malampaya gas field, nagbabala ang 2021 Energy Resource Guide ng Department of Energy na "mahaharap sa isang malaking krisis sa enerhiya” ang bansa. Narito ang apat na bagay na dapat mong malaman tungkol sa proyekto.

Ipinahayag kamakailan ni Pangulong Ferdinand “Bongbong” Marcos Jr. na ang COVID-19 infection na dulot ng Omicron variant ay “tulad ng pagkakaroon ng trangkaso.” Ang pahayag na ito ay nangangailangan ng konteksto.

Sa kanyang inaugural speech noong Hunyo 30, sinabi ni Pangulong Ferdinand “Bongbong” Marcos Jr. na siya ang may pinakamalaking mandato sa eleksyon sa kasaysayan ng Pilipinas. Ito ay nangangailangan ng konteksto.