Archive - Fact Check Filipino

Ang pahayag ni Pangulong Ferdinand Marcos Jr. kamakailan tungkol sa pagbibigay ng perang ayuda at subsidies sa gitna ng COVID-19 pandemic ay sumasalungat sa pananaw ni Finance Secretary Benjamin Diokno sa usapin.

Sa pagtugon sa mga tanong mula sa isang panel ng mga independiyenteng eksperto sa karapatang pantao sa ika-136 na sesyon ng United Nations Human Rights Committee sa Geneva noong Oktubre 11, sinabi ni Justice Secretary Jesus Crispin “Boying” Remulla na ang ABS-CBN ay “hindi isinara” ngunit tinanggihan lamang na bigyan ng isang bagong prangkisa. Ito ay nangangailangan ng konteksto.

Sa ika-136 na sesyon ng United Nations Human Rights Committee sa Geneva noong Oktubre 11, muling iginiit ni Justice Secretary Jesus Crispin “Boying” Remulla ang posisyon ng gobyerno na ang International Criminal Court (ICC) ay “nawalan na ng hurisdiksyon” sa Pilipinas. Ito ay kulang sa konteksto.

Sa bagong department order, binaliktad ni Education Secretary Sara Duterte-Carpio ang kanyang naunang direktiba sa pamamagitan ng pagpayag sa mga pribadong paaralan na magpatuloy sa pagdaraos ng full distance o blended learning pagkatapos ng Nobyembre 2.

Binawi ni Senate President Juan Miguel "Migz" Zubiri ang kanyang anunsyo na inilagay ng China ang Pilipinas sa blacklist ng mga destinasyong pang-turismo "dahil sa problema sa mga POGO [Philippine offshore gaming operators]."

Sa ika-136 na sesyon ng United Nations Human Rights Committee sa Geneva noong Oktubre 10, binigyang-katwiran ni Justice Secretary Jesus Crispin “Boying” Remulla ang red-tagging ng gobyerno sa mga kritiko na pinaniniwalaan nilang nakikiisa sa Communist Party of the Philippines-New People's Army (CPP-NPA). Ito ay nakaliligaw.

Sa isang briefing sa mga mamamahayag, sinisi ni Ilocos Norte Rep. Sandro Marcos ang malakas na dolyar sa paghina ng piso, at sinabi na hindi lamang Pilipinas ang nakararanas ng pagbaba ng halaga ng pera.Ito ay nangangailangan ng konteksto.

Bilang pagtugon sa mga alegasyon ng katiwalian sa National Youth Commission (NYC), sinabini Chairperson Ronald Cardema na walang mga notice of disallowance na inilabas angCommission on Audit (COA) sa ahensya. Ito ay hindi totoo.

Sa pagpapaliwanag sa mga nagawa ng Department of Education sa unang 100 araw ng administrasyong Marcos, umatras si Education Secretary Sara Duterte-Carpio sa kanyang iniutos na full face-to-face classes sa mga pampubliko at pribadong paaralan.

Mahigit dalawang linggo matapos ipahayag ang kanyang pagbibitiw bilang executive secretary, binago ng abogadong si Victor Rodriguez ang kanyang pahayag na magpapatuloy siya sa pagsisilbi sa bansa bilang presidential chief of staff.

Walang binabanggit na patunay, iginiit ni Sen. Ronald “Bato” Dela Rosa, ang punong tagapagpatupad ng kontrobersyal na digmaan laban sa droga noong administrasyong Duterte, na walang krimen laban sa sangkatauhan ang naganap sa kampanya kontra droga ng gobyerno.

Sinabi ni Press Secretary Trixie Cruz-Angeles na ang dahilan ng pagtaas ng inflation sa bansa ay ang peso-dollar exchange rate na bumagsak sa pinakamababang halaga, at “hindi dahil sa anumang lokal kadahilanan.” Ito ay nakaliligaw.

Ang deklarasyon ng ibang bansa sa isang entity bilang "terorista" ay hindi bahagi ng mga kinakailangan ng Pilipinas para italaga ang mga grupo bilang "terorista" sa ilalim ng Anti-Terrorism Act (ATA) ng 2020.

Sinabi ni Pangulong Ferdinand Marcos Jr. sa United Nations General Assembly (UNGA) na ang Pilipinas ay nananatiling “on track” para maabot ang upper middle-income status sa 2023 “sa kabila ng mga hamon ng pandemya at ng pagkadiskaril ng pandaigdigang ekonomiya.” Ito ay nangangailangan ng konteksto.

Nangangailangan ng konteksto ang pahayag ni Pangulong Ferdinand Marcos Jr. na may humigit-kumulang 4.5 milyong drug addict sa Pilipinas.

Isang video na nai-post sa Facebook page ni Pangulong Ferdinand “Bongbong” Marcos Jr. noong Setyembre 22 ang nagpapakita ng mga kuha ng malaking audience sa ika-77 sesyon ng United Nations General Assembly (UNGA) habang siya ay nagtatalumpati noong Setyembre 21 (Manila Time).

Hindi totoo ang sinabi ni Press Secretary Trixie Cruz-Angeles na kay Pangulong Ferdinand “Bongbong” Marcos Jr. lamang nakipagpulong si United States President Joe Biden sa sidelines ng 77th United Nations General Assembly (UNGA) sa New York City.

Sa pagdinig ng subcommittee ng Senado sa panukalang budget ng hudikatura para sa 2023, sinabi ni Sen. Robinhood Padilla na “nagpasya” na ang Korte Suprema sa isyu ng chairmanship sa pagitan ng dalawang paksyon sa Partido Demokratiko Pilipino–Lakas ng Bayan (PDP-Laban). Ito ay hindi totoo.

Sinabi ni Danilo Fausto, presidente ng Philippine Chamber for Agriculture and Food Inc., na bagama't may oversupply ng bawang sa mga partikular na rehiyon, may kakulangan sa suplay ng pananim sa pangkalahatan.

Sinabi ni Sen. Jinggoy Estrada na si Pangulong Ferdinand “Bongbong” Marcos Jr. ay tumanggap ng pinakamataas na bilang ng mga boto sa kasaysayan ng Pilipinas noong halalan ng Mayo 2022, kaya dapat mag “move on” na ang publiko mula sa Martial Law. Ito ay nangangailangan ng konteksto.

Nagkamali kamakailan si Pangulong Ferdinand Marcos Jr. sa pagsasabing ang Pilipinas ang may "pangalawa sa pinakamataas" na rate ng impeksyon ng human immunodeficiency virus (HIV) sa mundo.

Sa kanyang panayam kamakailan kay Toni Gonzaga, isang aktres at television host, iginiit ni Pangulong Ferdinand “Bongbong” Marcos Jr. na ang kanyang pamilya ay “hindi pinayagang mangatwiran” sa P203-bilyong real estate tax case dahil sila ay naka-exile sa Hawaii noong nasa korte ang kaso. Ito ay hindi totoo.

Sa isang press release noong Setyembre 11, sinabi ni Sen. Imee Marcos na ang Nutribun project ay pinasimulan ng kaniyang ama, ang yumaong diktador na si Ferdinand Marcos Sr.

Matapos magalit ang online users na nagsabing dapat magpasalamat si Vice President Sara Duterte-Carpio sa mga taxpayer, sinabi ng kanyang tagapagsalita na si Reynold Munsayac sa mga mamamahayag na hindi ginagamit ng bise presidente ang chopper para sa mga personal na bagay.