Archive - Fact Check Filipino

Isang Facebook page ang gumamit ng vlog ni Doc Liza Ramoso-Ong para magbenta ng pampatak sa tenga na nakapagpapagaling daw ng mga sakit sa loob ng ilang linggo lamang.

Iniulat ng Philippine Drug Enforcement Agency noong Oktubre 9 na bumaba ang bilang ng mga nasawi sa anti-drug operations ng ahensya mula 40 noong 2020 - 2021 hanggang 19 noong 2022 - 2023. Bukod dito, ang Dahas Project ng UP Third World Studies Center, na sumusubaybay sa mga pagkamatay na may kaugnayan sa droga sa bansa, ay nagtala ng 438 na pagpatay na may kaugnayan sa droga mula Hunyo 30, 2022 hanggang Oktubre 15, 2023. Ayon sa database nito, 195 sa mga ito ay may kinasasangkutan ng mga ahente ng estado at 145 ay may "hindi kilalang" mga salarin na nananatili malaya.

Alamin mula sa mga mangingisda sa Zambales kung ano nga ba ang sitwasyon sa West Philippine Sea, dito sa VERA Files Fact Check.

Isang YouTube video ang nagsasabing aatakehin ng Hamas ang Pilipinas, sa kasagsagan ng patuloy na armadong tunggalian ng grupo at ng Israel. Hindi ito totoo.

Hindi isinama sa Proclamation 368 ang Peb. 25 sa listahan ng mga non-working holiday para sa 2024 "dahil [ito] ay pumatak sa araw ng Linggo."

Sinabi ni Pangulong Ferdinand Marcos Jr. na ang konsepto ng Maharlika Investment Fund ay "nananatiling maganda" at ito ay ipatutupad na sa pagtatapos ng 2023.

Isang website na gumagaya sa The Manila Times ang nag-post ng kuwentong nag-eendorso ng isang cryptocurrency trading program na inirerekomenda raw ni dating Financesecretary Carlos Dominguez III. Peke ito.

Ilang FB page at group na gumagaya sa DSWD ang nag-upload ng mga listahan ng mga napiling beneficiary at online registration daw para scholarship program ng ahensya. Peke ang mga ito.

Isang video ang nagsasabing isang komander ng Japanese Navy ang nagbanta ng digmaan kung hindi susundin ng China ang mga batas pandagat. Hindi ito totoo.

Nang tanungin sa isang briefing kung nabigo ang price cap na ibaba ang mga presyo ng bigas dahil mataas pa ang inflation rate, sinabi ni PSA Undersecretary Dennis Mapa, "Ito ay isang tanong sa pananaliksik na pag-aaralan ng mga mananaliksik batay sa mga datos na aming kinokolekta."

Ang Joint Circular 2015-01 ay nagtatalaga ng mga partikular na aktibidad kung saan ang mga confidential fund ay maaari at hindi maaaring magamit. Hindi ito nagbibigay ng kapangyarihan na magpasya sa mga LGU na gumastos ng mga confidential fund sa paraang gusto nila.

Isang YouTube video ang nagsasabing pumirma ng mutual defense treaty ang Pilipinas at Canada. Mali ito.

Isang video ang nagsasabing inutos ng Senado na ipasara ang Philippine Charity Sweepstakes Office (PCSO). Hindi ito totoo.

Maraming YouTube video ang nagsasabing inutos ni Pangulong Bongbong Marcos na tanggalin sa Senado, ipakulong o paalisin sa Pilipinas si Sen. Robin Padilla. Hindi totoo ang mga ito.  

Inedit ng isang YouTube channel ang tatlong litrato ng mga barko ng Chinese Coast Guard para pagmukhaing nawasak ang mga ito ng hindi matukoy na sandata.

Isang YouTube video ang nagsasabing si Pangulong Bongbong Marcos at ang Senado ay pinatawan ng parusang kamatayan si France Ruiz. Walang legal na kakayahan ang pangulo o Senado na gawin ito.

Kumalat sa YouTube at Facebook ang isang video na nagsasabing para magpakita ng lakas ang Amerika, nagpalipad ito ng bomber planes sa himpapawid ng Tsina. Hindi ito totoo.

Ilang netizen ang nagpakalat ng video ng pagsabog daw ng Bulkang Taal noong Sept. 21. Hindi ito totoo. 

Isang vlogger ang nagpapakalat ng mapanlinlang na impormasyon tungkol sa papel na ginampanan nina dating pangulong Ferdinand Marcos Sr. at dating senador Ninoy Aquino sa kasaysayan ng Pilipinas.

Ang Office of the Vice President sa ilalim ni Leni Robredo ay walang confidential at intelligence funds mula 2016 hanggang sa katapusan ng kanyang termino noong 2022, batay sa Annual Audit Reports ng Commission on Audit.

Sa isang pagdinig ng House appropriations committee noong Setyembre 11, hiniling ni Ombudsman Samuel Martires sa Kongreso na tanggalin ang utos sa Commission on Audit na ilathala ang Audit Observation Memorandum nito dahil lumilikha ito ng mga pahiwatig na nasuhulan ang kanyang opisina para ibasura ang kaso samantalang ang kakulangan sa audit ay hindi pagsumite lamang ng mga resibo.

Bukod sa 1987 Constitution, hindi bababa sa tatlong batas ang nag-uutos sa mga pampublikong opisyal at empleyado na magsumite ng kanilang SALN. Ito ay ang Republic Act No. 3019, RA 6713 at RA 7160.

Ang pinakahuling ulat ng price index mula sa Food and Agricultural Organization (FAO) ng United Nations ay nagpapakita na ang All Rice Price index ay tumaas noong Agosto 2023 na umabot sa 142.4 puntos, na 9.8% na mas mataas kaysa sa nakaraang buwan at 31.2% higit pa kaysa sa halaga nito noong nakaraang taon.

Tatlong videos sa YouTube ang nagsabing si Pangulong Bongbong Marcos ang “napiling” bagong lider ng ASEAN. Kailangan nito ng konteksto.

Isang mambabasa ng VERA Files ang nagpa-fact-check ng produktong gatas na naglilinis at nag-de-detoxify raw ng baga. Kasinungalingan ito.

Isang gawa-gawang quote ni Coach Chot Reyes ang kumalat sa Facebook pagkatapos matalo ng Gilas Pilipinas sa South Sudan sa FIBA World Cup.

Naninindigan ang Metropolitan Manila Development Authority sa panukala nito para sa shared bike lane sa EDSA sa kabila ng pagtutol ng mga grupo ng mga nagbibisikleta at motorsiklo.

Ilang video sa Facebook at YouTube ang nagsasabing ang hagupit ng bagyong Hanna ay doble kaysa Yolanda. Hindi ito totoo.

Nanguna sa listahan ang Department of Information and Communications Technology na may 5.6% utilization rate lamang. Bakit mahalagang tugunan ang underspending ng mga tanggapan ng gobyerno? Narito ang mga bagay na kailangan mong malaman.

Ito ay sumasalungat sa Executive Order (EO) No. 39 ni Marcos na binanggit ang ulat mula sa DA at Department of Trade and Industry na ang “global events” ay nakaimpluwensya rin sa pagtaas ng presyo.