Archive - Fact Check Filipino

May kumakalat na video ni Pangulong Bongbong Marcos kung saan inamin niya raw na hindi siya ang totoong Ferdinand Marcos Jr. Kailangan nito ng konteksto. Ang video ay lumang interview kung saan pinasinungalingan niya ang chismis bilang “urban legend” o gawa-gawang kuwento.

AI-generated ang video na nagpapakitang niyakap nina DILG Secretary Benhur Abalos at PNP Chief Rommel Marbil si Alice Guo.

Ang PhilHealth Konsulta program ay isang pinalawak na pakete ng benepisyo para sa mga serbisyong outpatient para sa lahat ng Pilipino. Saklaw ng Konsulta ang konsultasyon, laboratory at diagnostic tests at gamot.

Ipinatutupad ng PNP ang mga utos ng korte na arestuhin si Quiboloy kaugnay ng mga kasong human trafficking, child abuse at sexual assault. Ang Senado ay mayroon ding standing contempt, arrest at detention order para sa lider ng KOJC.

Hindi lamang Davao City ang walang alokasyon ng budget para sa pagtugon sa COVID-19 nang ideklara ng WHO ang outbreak bilang isang pandaigdigang pandemya.

Pahayag ni Albay Rep. Joey Salceda na "natutulog sa trabaho" ang PAGASA sa pag-isyu ng late advisories tungkol sa bagyong Enteng hindi totoo

Talagang nahatulan ng pang-aabuso sa bata si Castro ngunit ang kaso ay naka apela at siya ay nananatili sa posisyon.

Health advocate Dr. Anthony Leachon iginiit na ang paglilipat ng sobrang pondo ng PhilHealth ay labag sa Universal Health Care Act.

Habang kinikilala ng Department of Health ang kahalagahan ng deklarasyon ng WHO, tiniyak nito na ang mpox ay naiiba sa pandemya ng COVID-19 at pinayuhan ang publiko na manatiling alerto.

May Facebook post na nagsasabing tinanggal ang boxing sa 2028 Olympics. Kailangan nito ng konteksto.

May text message na nagsasabing lahat ng Pilipino ay may ayudang P5,000 hanggang P8,000 galing sa DSWD at DILG. Walang ganitong programa ang gobyerno.

Nagpost ang isang FB page ng ad raw nina Karen Davila at Doc Willie Ong para sa isang lunas sa sakit na prostitis. Peke ito at manipulado gamit ang AI.

Isang impostor ng Super8 grocery sa FB ang nanloko ng mga netizen. Namimigay raw ito ng gift bag, cellphone at voucher dahil anniversary ng kumpanya. Peke ito.

May Facebook page na nagsasabing si Dr. Emil Javier, isang national scientist, ay nag-eendorso raw ng Super Seed Organic Fertilizer. Peke ito.

Edited ang larawan na nagpapakitang sinusuportahan ng mga Tsino ang Pilipinas kaugnay sa mga isyu sa teritoryo sa West Philippine Sea.

Umiikot sa FB ang ad ni Dr. Kilimanguru para sa Vitalungs, umano'y gamot sa sakit sa baga. Peke ito. Ang mga clips at audio ay dinoktor gamit ang AI.

Noong 2022, nagtakda ang departamento ng target na magtayo ng 1 milyong housing units kada taon sa loob ng anim na taon, para sa kabuuang 6 na milyong unit mula 2022 hanggang 2028.

Anim na Facebook page ang nagpost ng pekeng ad na ipinalalabas na si Kuya Kim Atienza ay nag-eendorso ng pampatangkad.

Dalawang FB page ang nanlinlang ng mga netizen gamit ang link kuno sa National ID, pero sa katunayan ay bumubukas sa website pang-online shopping.

Sa unang pagkakataon, magkakaroon ng halalan sa BARMM para punan ang 80 puwesto sa Bangsamoro parliament sa Mayo 2025, kasabay ng midterm national elections.

Ang mga petsa ng pagtatapos ng hindi bababa sa anim na Infrastructure Flagship Projects ng administrasyong Marcos ay binago dahil sa mga pagkaantala.

Hindi naglabas ng anumang pahayag ang INC o ang NET25 tungkol sa umano'y paggamit ng droga ni Marcos, ngunit si SAGIP Party-List Rep. Rodante Marcoleta, isang kilalang miyembro ng INC, ang nagsabi nito.

Mula sa pagsasabing ipagbabawal nito ang premature campaigning sa 2025 polls, sinasabi ngayon ng Comelec na hindi nito masusuway ang batas noong 2007 na nagpawalang-bisa sa paghihigpit.

May video na pinamumukhang nagpo-promote ng investment platform si Pangulong Bongbong Marcos at ang iba pang personalidad. Peke ito.

May kumakalat na FB Reel na ipinalalabas na lahat ng estudyante sa Pilipinas ay makatatanggap ng financial assistance. Panukala pa lamang ito at hindi batas.

Nang manalasa ang bagyong Carina, kumalat sa FB ang mga picture na nagpapakita raw ng baha sa Bacoor, Cavite. Mula pa 2018 ang ilan dito.

Wala pang isang buwan matapos sabihin na ang pagkakaroon ng tatlong Duterte sa 2025 senatorial race ay "magandang balita," naghain si Sen. Robinhood Padilla ng panukalang batas na nagbabawal sa political dynasties.

Bumaba talaga ang mga datos ng kahirapan sa BARMM mula noong 2018. Ngunit nananatili itong may pinakamataas na insidente ng kahirapan sa bansa sa 34.8% noong unang kalahati ng 2023, ayon sa PSA.

Nakapanliligaw ang sinabi ni Marcos na ang digmaan sa droga ng kanyang administrasyon ay nanatiling "bloodless."

Hinatulan ng Tagum City RTC sina ACT Teachers Party-list Rep. France Castro at dating kinatawan ng Bayan Muna na si Satur Ocampo dahil sa paglalagay panganib ng buhay ng mga menor de edad, hindi pagkidnap gaya ng pahayag ng dating broadcaster na si Jay Sonza.